უცხო ქვეყნიდან ჩამოსული 10-წლამდე ბავშვებისთვის PCR ტესტის წარმოდგენა სავალდებულო აღარ იქნება – დადგენილება
„იზოლაციისა და კარანტინის წესში“ შესული ცვლილების თანახმად უცხო ქვეყნიდან ჩამოსული 10 წლამდე ბავშვები ბოლო 72 საათში ჩატარებული „პისიარ“ ტესტის ნეგატიური პასუხის წარმოდგენისგან თავისუფლდებიან.
ამავე დადგენილებით, ამ ასაკის მოზარდების ასევე უუქმდებათ ვალდებულება, რომ საზღვრის კვეთიდან მესამე დღეს „პისიარ“ კვლევა ჩაიტარონ.
შესაბამის დოკუმენტს, რომელიც 16 ივნისს გამოქვეყნდა, ხელს პრემიერ-მინისტრი ირაკლი ღარიბაშვილი აწერს.
„საერთაშორისო სამგზავრო საჰაერო, სახმელეთო და საზღვაო მიმოსვლის შემთხვევაში, უცხო ქვეყნიდან ჩამოსული 10 წლამდე ასაკის ნებისმიერი პირი (მოქალაქეობის მიუხედავად) თავისუფლდება საქართველოში ვიზიტამდე ბოლო 72 საათში ჩატარებული PCR ტესტის ნეგატიური პასუხის წარმოდგენისა და საზღვრის კვეთიდან მე-3 დღეს PCR კვლევის ჩატარების ვალდებულებისგან“, – ვკითხულობთ დადგენილებაში.
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19