ტელეჟურნალისტიკის სასერთიფიკატო კურსი
ღირებულება:
4500
ლარი
ბადრი პატარკაციშვილის სახელობის ჟურნალისტიკის სკოლა აცხადებს მიღებას ტელეჟურნალისტიკის სასერტიფიკატო კურსზე.
კურსის მიზანია ჟურნალისტიკის სფეროში მოღვაწეობისთვის აუცილებელი ცოდნის მიცემა და პრაქტიკული უნარ-ჩვევების გამომუშავება შემდეგი მიმართულებით: საკუთარი აზრის მკაფიოდ ჩამოყალიბება, მისი არგუმენტირებული გადმოცემა (წერილობით თუ ზეპირად), ინფორმაციის მოპოვება და გაანალიზება, ლიტერატურაზე მუშაობა, წერის დაგეგმვა და სტილისტური გასწორება.
სწავლების ფორმატი მოიცავს:
- სალექციო კურსებს;
- სემინარებს;
- ტრენინგებს;
- ვორქშოპებს;
- პრაქტიკას ტელევიზიასა და რადიოში.
ლექციებს წაიკითხავენ როგორც ქართველი, ასევე უცხოელი ჟურნალისტები და მედია-ექსპერტები.
კურსის ფარგლებში შესასწავლი საგნები:
- ჟურნალისტიკის საფუძვლები (მათ შორის, ტელე-რადიო ჟურნალისტიკის ისტორია);
- ჟურნალისტის პრაქტიკული უნარები (ინფორმაციის მოძიება, რეპორტაჟი, სიუჟეტი, ინტერვიუ, საინფორმაციო ჟურნალისტიკა, ფოტოგრაფიის და დოკუმენტური ფილმის საფუძვლები, აუდიო-ვიზუალური ესთეტიკა, საინფორმაციო ტექნოლოგიები და სხვ.);
- მეტყველების კულტურა;
- ქართული ენა და სტილისტიკა;
- კამერა და მონტაჟი;
- ეთიკა და ჟურნალისტიკა;
- მედია სამართალი (საჯარო ადმინისტრირება და საქართველოს ინსტიტუციები);
- სოციალური ფსიქოლოგიის და სოციოლოგიის საფუძვლები.
საბუთების მიღება გაგრძელდება 2014 წლის 22 სექტემბრამდე.
სწავლა დაიწყება 1 ოქტომბერს.
სრული კურსის ხანგრძლივობა 10 თვე.
კურსის დასრულების შემდეგ გაიცემა სერტიფიკატი.
მიღება წარმოებს წერითი გამოცდის, ტესტირების და გასაუბრების საფუძველზე.
დაინტერესებულ პირებს გთხოვთ, შეავსოთ ამ ვებგვერდზე განთავსებული სარეგისტრაციო ფორმა.
- სავარაუდო თარიღი გასულია
- ჩატარების ადგილი თბილისი
- სწავლების ენა ქართული
- სწავლის ფორმა საღამოს