ბუღალტერთა ინდივიდუალური მომზადება
ლუკა პაჩიოლის სახელობის საბუღალტრო-აუდიტორული ცენტრი აცხადებს მიღებას ბუღალტერთა ინდივიდუალურად მოსამზადებელ კურსებზე:
- საბუღალტრო-საგადასახადო აღრიცხვისა და ანგარიშგების ინდივიდუალური სწავლება და გადამზადება (1 მსმენელი), რომლის ღირებულებაა 270 ლარი, გრძელდება 2 თვე. ღირებულებაში შედის სახელმძღვანელო წიგნი და სამუშაო კონსპექტები.
- საბუღალტრო-საგადასახადო აღრიცხვისა და ანგარიშგების გაერთიანებული (ჯგუფური) სწავლება და გადამზადება (3 მსმენელი), რომლის ღირებულებაა 150 ლარი, გრძელდება 2 თვე. ღირებულებაში შედის სახელმძღვანელო წიგნი და სამუშაო კონსპექტები.
- საბუღალტრო აღრიცხვის რეალური პრაქტიკა, რომლის ღირებულებაა 150 ლარი, გრძელდება 1 თვე. ღირებულებაში შედის სახელმძღვანელო წიგნი და სამუშაო კონსპექტები.
- მოქმედ ბუღალტერთა კონსულტაცია, რომლის ღირებულებაა 125 ლარი, გრძელდება 1 თვე. ღირებულებაში შედის სახელმძღვანელო წიგნი და სამუშაო კონსპექტები.
- მიკრო და მცირე ბიზნესის მეწარმის მიერ ბუღალტრის გარეშე, დამოუკიდებლად გამარტივებული საბუღალტრო და საგადასახადო აღრიცხვის ინდივიდუალური სწავლება, რომლის ღირებულებაა 350 ლარი, გრძელდება 1 თვე. ღირებულებაში შედის სახელმძღვანელო წიგნი და სამუშაო კონსპექტები.
სასწავლო პროგრამის მიზნები:
- მსმენელები ინდივიდუალურად შეარჩევენ მათთვის აუცილებელ კურსს.
- მსმენელები ნულოვანი საფეხურიდან დაიწყებენ და საფუძვლიანად შეისწავლიან საბუღალტრო-საგადასახადო აღრიცხვის პროცესს პროფესიული სტანდარტის დონეზე.
- ყველა კურსი ორიენტირებულია აღრიცხვის პრაქტიკული და თეორიული მიმართულებების - საიდან დავიწყოთ, როგორ ვიმუშაოთ და რას მივაღწიოთ - სწავლებაზე.
სასწავლო პროგრამის შინაარსი:
- მცირე და საშუალო ბიზნესის საფუძვლები;
- საბუღალტრო, საგადასახადო, სამეწარმეო და ფინანსური ანგარიშგების ტერმინოლოგია და საფუძვლები;
- ბიზნესის სალაროს, ბანკის, ხელფასების, რეალიზაციის, ხარჯების, დებიტორ-კრედიტორების, სესხების, საგადასახადო ვალდებულებების და ა.შ. აღრიცხვა საერთაშორისო სტანდარტებით და საქართველოს საგადასახადო კოდექსით წარმოების, ვაჭრობის, მიწოდებისა და მომსახურების სფეროში;
- მთავარი ბუღალტრის, რიგითი ბუღალტრის, მოლარის საქმიანობა და პრაქტიკა;
- ბიზნესის მოგება/ზარალის და ქონების აღრიცხვა;
- ელექტრონული საგადასახადო დეკლარირება;
- საბუღალტრო აღრიცხვის დოკუმენტწარმოება (მიმდინარე ანგარიშებისა და ანგარიშსწორების ჟურნალი, ბრუნვითი უწყისი, სალაროს შემოსავლის და გასავლის ორდერები, ხელფასის უწყისი, მემორიალური ორდერი, საგადასახადო დავალება, სასაქონლო ზედდებული, გასავლისა და შემოსავლის ზედდებულები, დღგ-ს ანგარიშ-ფაქტურა, საგადასახადო დეკლარაციები და ა.შ.);
- ახალი საგადასახადო კოდექსის საბუღალტრო ნაწილი, მეწარმეთა შესახებ კანონის საბუღალტრო ნაწილი, შრომის კოდექსი;
- საბუღალტრო აღრიცხვის პროგრამა "Oris-Accounting";
- საბუღალტრო აღრიცხვის პროგრამა "Super-Fin"
სასწავლო პროგრამის შედეგები:
- პროგრამის ბოლოს ტარდება ტესტირება;
- გაიცემა სხვადასხვაენოვანი ოფიციალური სერტიფიკატები და შესაბამისი რეკომენდაციები;
- გათვალისწინებული იქნება კონსულტაციები.
რეგისტრაცია და ღირებულების გადახდის პირობები:
- რეგისტრაცია, გასაუბრება მიმდინარეობს ყოველდღიურად;
- გასაუბრების შემდეგ ინიშნება დღეები, საათები და ფორმდება ხელშეკრულებები;
- ანგარიშსწორება ხორციელდება ცენტრის საბანკო ანგარიშზე ხელშეკრულების გაფორმებიდან სამი სამუშაო დღის განმავლობაში;
- გათვალისწინებულია ეტაპობრივი ანგარიშსწორებაც - ღირებულების 50% დასაწყისში, ხოლო დანარჩენი - შუა პერიოდისათვის.
კურსებს ინდივიდუალურად ხელმძღვანელობენ საბუღალტრო აღრიცხვის დარგის გამოცდილი და წამყვანი სპეციალისტები.
რეგისტრაციისთვის გთხოვთ შეავსოთ ამ ვებ-გვერდზე განთავსებული სააპლიკაციო ფორმა.
მიმდინარეობს რეგისტრაცია!
გისურვებთ წარმატებებს!
- სავარაუდო თარიღი გასულია
- ჩატარების ადგილი თბილისი
- სწავლების ენა ქართული
- სწავლის ფორმა საღამოს