სასწავლო პროგრამა სპეციალურად შემუშავდა ბიზნეს-ორგანიზაციებისთვის, რომლის მიზანია: სისტემური და პრაქტიკული სწავლების რეალიზება ბიზნესის მართვის თანამედროვე კომპეტენციებში, რომელიც ეფუძნება უახლეს მიღწევებს ამ სფეროში.

კურსი შედგება შემდეგი მოდულებისგან:

მენეჯერის / ხელმძღვანელის ეფექტური კომუნიკაცია, (ლიდერის  კომუნიკაცია)
ეს ტრენინგი – არის პირველი ნაბიჯი პროფესიული თვითრეალიზებისა და ორგანიზაციის წარმატებული მართვის მწვრვალებისკენ. წარმატება ბიზნესში და დასახული მიზნების მიღწევა პირდაპირ კავშირშია პარტნიორებთან, კლიენტებთან, კოლეგებთან, სახელმწიფო სტრუქტურების წარმომადგენლებთან დამყარებულ ეფექტურ კომუნიკაციაზე.

პროგრამაში თეორიისა და პრაქტიკის თანაფარდობაა 30% - 70%.

ეფექტური ლიდერობა
თანამედროვე სამყაროში ლიდერობა წარმატების სინონიმია. არსებობს აზრი, რომ ლიდერობა – ბუნებრივი ნიჭია, ის ან არის, ან არა. რა თქმა უნდა ამ შეხედულებას აქვს არსებობის უფლება, თუმცა დაკვირვებები საწინააღმდეგოს ამტკიცებს: ლიდერობა – თვისებაა, რომელიც შეიძლება შეიძინო და განავითარო.

ტრენინგის მიზანია მომავლის ხედვაზე დაფუძნებული ეფექტური ლიდერობისთვის სასიცოცხლოდ მნიშვნელოვანი, მრავალფეროვანი უნარებისა და საშუალებების გაცნობა იმ პირებისთვის, რომლებიც უკვე ხელმძღვანელ პოზიციებზე არიან, ან მიზნად აქვთ დასახული დაიკავონ იერარქიული კიბის მაღალი საფეხურები.
ტრენინგი აუცილებლად დაგეხმარებათ თქვენი მიზნების განხორციელებაში.

ტრენინგზე გაეცნობით კომუნიკაციური, პიროვნული და სისტემური აზროვნების უნარ-ჩვევების დახვეწის ტექნოლოგიებს. დაუთმეთ მცირე დრო ამ უნარების დაუფლებას და თქვენ ისწავლით ტექნოლოგიებს – როგორ მოანდომოთ ადამიანებს გააკეთონ ის, რაც თქვენ გინდათ!

პარტნიორის / კლიენტის ფსიქოლოგიური პორტრეტის შექმნა
ტრენინგი ეძღვნება ბიზნესისთვის ერთ-ერთ ყველაზე მნიშვნელოვან ასპექტს – საქმიან კომუნიკაციასა და ბიზნეს-პროცესებში მონაწილე პირების ფსიქოლოგიური თავისებურებების ამოცნობას.

ფსიქოლოგიური პორტრეტის შექმნა – არის ისეთი თანამედროვე კომუნიკაციური ტექნოლოგიების წარმატებით რეალიზების საშუალება, როგორიცაა მოლაპარაკება,

გაყიდვები, შუამავლობა შეძენილი ცოდნის გამოყენება დაგეხმარებათ პრინციპულად ახალ დონეზე განახორციელოთ:

მოლაპარაკებების ეფექტურად წარმართვის ტექნოლოგია

მოლაპარაკება ძირითადი საშუალებაა ადამიანებისგან მიიღოთ ის, რაც თქვენ გინდათ. მიუხედავად იმისა, რომ მოლაპარაკებებს ყოველდღიურად აწარმოებთ, მისი სწორად წარმართვა არც თუ ისე ადვილია. მოლაპარაკებების სტრატეგიებს შორის, თანამედროვე ბიზნეს-სამყაროში, ყველაზე მიზანშეწონილად პრინციპიალური მოლაპარაკებების მეთოდია მიჩნეული, მისი უპირატესობა იმაში მდგომარეობს, რომ მხარეები იკავებენ ურთიერთმომგებიან პოზიციებს, იქ, სადაც მათი შეხედულებები ემთხვევა; ინტერესთა კონფლიქტის შემთხვევაში კი, თანხმდებიან ისეთ რეზულტატზე, რომელიც ეფუძნება სამართლიან ნორმებს და მისაღებია მოლაპარაკებაში მონაწილე მხარეებისთვის.

პრინციპიალური მოლაპარაკებების მეთოდი საშუალებს გაძლევთ იყოთ სამართლიანი და  მიიღოთ ის, რაც თქვენ გეკუთვნით, ამასთანავე, დაიცვათ თავი მათგან, ვინც ეცდება თქვენს მოტყუებას და გაუჩნდება სურვილი ისარგებლოს თქვენი წესიერებით.

პრინციპიალური მოლაპარაკებების მეთოდის გამოყენება შესაძლებელია ყველა დონის  საქმიანი მოლაპარაკების დროს – დიპლომატიაში, ბიზნესსა და ყოველდღიურ ცხოვრებაში. ეს არის სტრატეგია ნებისმიერი მიზნის მისაღწევად. ყველა სხვა სტრატეგიებისგან განსხვავებით, მისი გამოყენება კიდევ უფრო ადვილი ხდება, როცა მეორე მხარე იცნობს ამ სტრატეგიას.

ტრენინგები ჩატარდების გრაფიკი:

9 თებერვლიდან I ჯგუფი ორშაბათი _ პარასკევი: 18.30 – 22.00

14 თებერვლიდან II ჯგუფი შაბათ-კვირას: 11.00 – 19.00.

თითოეული მოდულის ღირებულებაა: 270 ლარი.

სრული კურსის ღირებულებაა: 870 ლარი

ოთხივე მოდულის გავლის შემთხვევში გათვალისწინებულია 20 % ფასდაკლება.

ორგანიზაციიდან რამდენიმე მსმენელის დასწრების შემთხვევაში თითოეულზე გათვალისწინებულია 5%-იანი ფასდაკლება.

მთლიანი კურსის გავლის შემთხვევაში გაიცემა სერტიფიკატი.

განაცხადის შემოტანის ბოლო ვადაა: 3 თებერვალი; 2009.