ბიზნესის ადმინისტრირების მაგისტრატურის /MBA/ საერთაშორისო პროგრამის მიზანია უზრუნველყოს სტუდენტთა მომზადება ბიზნესის წარმატებით მართვისათვის აუცილებელი ცოდნით, ჩამოუყალიბოს მათ ლიდერობისა და ხელმძღვანელობის, გადაწყვეტილების მიღებისა და ანალიტიკური აზროვნების უნარი.

ბიზნესის ადმინისტრირების მაგისტრატურა მოიცავს სამ მიმართულებას:

1. ბიზნეს მენეჯმენტი;
2. მარკეტინგის მენეჯმენტი;
3. ფინანსების მენეჯმენტი;

• ბიზნესის ადმინისტრირების სამაგისტრო პროგრამაზე სწავლის ხანგრძლივობაა 2 წელი.
• ბიზნესის ადმინისტრირების მაგისტრატურის კურიკულუმი დაფუძნებულია ECTS -ზე (European Credit Transfer System).
• სწავლების ენა არის ქართული, მაგრამ სასწავლო კურსის სრულყოფილად დაუფლებისათვის აუცილებელია ინგლისური ენის strong Intermediate დონე.
• სასწავლო განრიგი აგებულია ისე, რომ დასაქმებული სტუდენტი არ მოსწყდეს სამუშაოს.

მიღების წინაპირობები:
კავკასიის აკადემიური ცენტრის ბიზნესის ადმინისტრირების სამაგისტრო პროგრამაში სასწავლებლად სტუდენტს უნდა ჰქონდეს:

• მოპოვებული ბაკალავრის ხარისხი სასურველია შესაბამის დარგში (ბიზნესის ადმინისტრირებაში ან მომიჯნავე სფეროში), ან გავლილი ბიზნესის ადმინისტრირების სამაგისტრო პროგრამის მოსამზადებელი კურსი;
• სასურველია ჰქონდეს მინიმუმ 1 წლის სამუშაო გამოცდილება ბიზნეს კომპანიაში; 
• წარმატებით ჩააბაროს ბიზნეს დისციპლინების კომპლექსური ტესტი, ტესტი ინგლისურ ენაში და გაიაროს გასაუბრება.
  

MBA პროგრამაში მონაწილეობის მიღების მსურველთათვის წარმოსადგენი საბუთების ნუსხა:

• მსმენელის განცხადება;
• ბაკალავრის დიპლომისა და ნიშნების ფურცლის ახლები;
• ცოდნის და უნარ–ჩვევების შეფასებისათვის მნიშვნელოვანი დიპლომების, სერტიფიკატებისა და ა.შ. ასლები;
• ორი ფოტოსურათი 3 x 4;
•  CV.

სწავლების ერთი წლის ღირებულება –5900 ლარი

 საბუთების მიღების ბოლო ვადაა 15 სექტემბერი 2008წ.
სწავლის დაწყების სავარაუდო თარიღი: 29 სექტემბერი.