საზოგადოებასთან ურთიერთობის სფერო განუწყვეტლივ იცვლება. მედიისა და ტექნოლოგიების ახალმა ფორმებმა ბოლო რამდენიმე წლის განმავლობაში შეცვალა საზოგადოებასთან ურთიერთობის ფორმები, აიძულა კომპანიები გაეფართოებინათ თავიანთი აუდიტორია და იმდენ ადამიანამდე მიეღწიათ თავიანთი საქმიანობით და იმდენგვარი გზითა და საშუალებით, რამდენსაც და როგორსაც ისინი უწინ ვერც კი წარმოიდგენდნენ.

PR მენეჯმენტის ტრენინგ კურსის  ქვეშ მოქცეულია ყველა ის საბაზისო საკითხი, რომელზეც დგას თანამედროვე საზოგადოებასთან ურთირთობა: კვლევა, დაგეგმვა, კომუნიკაცია და შეფასება.

კვლევა, ზოგადად ფართო მცნებაა და შესაბამისად, აქ ერთიანდება ისეთ საკითხებზე სიღრმისეული მსჯელობა, როგორიცაა კვლევის როლის განსაზღვრა, კვლევის გამოყენება და საკვლევი ტექნიკა. აქ საუბარია თანამედროვე და უკვე საყოველთაოდ აღიარებულ კვლევის ორ მიმართულებაზე: მეორად კვლევაზე და თვისობრივ კვლევასა და რაოდენობრივ კვლევაზე. რა ნიშნებით განსხვავდებიან ისინი ერთმანეთისაგან. რატომ და როდის უნდა გამოვიყენოთ თითოეული მათგანი? ეს ის კითხვებია, რომელზეც პასუხი ტრენინგზე ამომწურავად გაეცემა. აქვე ასევე განიხილება კითხვარის შედგენის მეთოდოლოგია და წესები.

დაგეგმვას  საზოგადოებასთან ურთიერთობის მენეჯერის საქმიანობაში არანაკლები მნიშვნელობა ენიჭება. ეს საკითხი უფრო ცხადი რომ გახდეს, გამოვიტანთ ზოგიერთ დეტალს ჩვენს მიერ განხილული საკითხებიდან. განვიხილავთ სტრატეგიული დაგეგმვის მოდელს და პროგრამული გეგმის ელემენტებს: სიტუაცია, ამოცანები, აუდიტორია, სტრატეგია, ტაქტიკა, კალენდარული გრაფიკი, ბიუჯეტი და შეფასება.

შემდეგი ქვეთემაა კომუნიკაცია.  აქ საუბარი გვექნება კომუნიკაციის  5 ელემენტზე. ასევე განვიხილავთ შეტყობინების სწორად და გასაგებად წერის მეთოდოლოგიას. რა არის იმისათვის საჭირო, რომ შეტყობინება დამაჯერებელი იყოს და ის ადვილად დაიმახსოვრონ.  ამისათვის შეტყობინების მიღების ხუთსაფეხურიან პროცესზე გვექნება საუბარი.

კურსს დაასრულებს თემა შეფასება. რა არის შეფასების მიზანი და ამოცანა. შეფასების წინაპირობა. ამ თემაში ერთიანდება ისეთი მნიშვნელოვანი საკითხი, როგორიცაა აუდიტორიის გაცნობიერებულობისა და დამოკიდებულებების გაზომვის მეთოდოლოგია. ასევე დამატებითი აქტივობების გაზომვა და წინასწარი პროგნოზირება.

კურსი მომზადებულია სან-ხოსეს სახელმწიფო უნივერსიტეტის მასობრივი კომუნიკაციის სკოლისა და მისურის უნივერსიტეტის ჟურნალისტიკის სკოლის შესაბამისი  სახელმძღვანელოებზე  დაყრდნობით.

პიარ მენეჯმენტის ტრენინგი ორ სხვადასხვა სამიზნე აუდიტორიაზეა გათვლილი. პირველ ჯგუფში შედიან პიარის სფეროში კარიერის გაკეთების მსურველები და მეორე ჯგუფში კი სტუდენტები, რომლებიც დღეს ეუფლებიან სხვადასხვა პროფესიას და სურთ პიარის მიმართულებით თეორიასთან ერთად პრაქტიკული გამოცდილებაც შეიძინონ.

პირობები:

PR მენეჯმენტი კურსის კურსის ხანგრძლივობა: 4 კვირა.
ტრეინინგი ტარდება კვირაში ორჯერ, 2 საათის ხანგძლივობით.
ტრეინინგის ჩატარების განრიგი: სამშაბათი და  ხუთშაბათი - 18:30 – 20:30/ შაბათი: 15:00– 18:00
კორპორაციული დაკვეთის შემთხვევაში ტრენინგის დრო და ღირებულება შეთანხმდება ადმინისტრაციასთან.
შეღავათებით ისარგებლებენ სტუდენტები.

კურსის დასრულების შედეგად გაიცემა ორენოვანი სერტიფიკატი და სარეკომენდაციო წერილი.

ტრენინგებზე რეგისტრაცია ხდება მხოლოდ  მთავარ ოფისში "ტრენინგების სახლი"
მისამართი: ილია ჭავჭავაძის 16; მე-2 სადარბაზო; პირველი სართული (უნივერსიტეტთან)
ტრენინგი ჩატარდება: „საქართველოს უნივერსიტეტში“ მ.კოსტავას 77. ასევე „ტრენინგების სახლში“

 საკონტაქტო: პირი: ირმა ჯავახიშვილი.