პროგრამა შეიქმნა მაღალი საერთაშორისო სტანდარტისა და ადგილობრივი მოთხოვნის გათვალისწინებით. პროგამის დანიშნულებაა ხელი შეუწყოს საგანმანათლებლო ორგანიზაციების ეფექტიან მართვასა და წარმატებულ რეფორმირებას დარგისათვის კვალიფიციური პროფესიული კადრების მომზადების საშუალებით.

პროგრამა ხანგრძლივობა ორი აკადემიური წელია (4 სემესტრი).

ნებისმიერ სამაგისტრო კურსს სტუდენტები გადიან მსოფლიოს წამყვან უნივერსიტეტებში აპრობირებულ სასწავლო სახელმძღვანელოსა და სასწავლო გეგმის საფუძველზე.

სტუდენტი, როგორც წესი, იღებს სახელმძღვანელოს უახლეს გამოცემას.

მაღალი კვალიფიკაციისა და პრაქტიკული გამოცდილების მქონე პროფესორ-მასწავლებლები, სტუდენტზე ორიენტირებული პედაგოგიკა, კომფორტული და განმავითარებელი სასწავლო გარემო ნაყოფიერი აკადემიური საქმიანობისათვის (მათ შორის ელექტრონული ბიბლიოთეკა-Oxford Journals, Cambridge Journals, EBSCO, JSTOR და სხვა), შეხვედრები და თანამშრომლობა პროგრამის სტუმრებთან (წარმატებული საგანმანათლებლო და კულტურული ორგანიზაციების ხელმძღვანელები) – ყველაფერი ეს, უნივერსიტეტის ხარისხის მართვის ეფექტურ სისტემასთან ერთად, ქმნის იმის რეალურ წინაპირობას, რომ ჩვენი კურსდამთავრებული მიიღებს ზუსტად იმ მოცულობის ცოდნასა და კომპეტენციას, რასაც მისი თანასწორი მსოფლიოს ნებისმიერ წამყვან უნივერსიტეტში.

პროგრამა მაქსიმალურად მოქნილია.
სწავლება მიმდინარეობს საღამოს საათებში, შესაძლებელია მხოლოდ ცალკეული კუსის გავლა და შესაბამისი სერთიფიკატის მიღება.

საბუთების მიღების ბოლო ვადაა 19 დეკემბერი, 2008.