საერთო სამაგისტრო გამოცდაზე დარეგისტრირებული 12600-ზე მეტი მაგისტრანტობის კანდიდატიდან გამოცდაზე გამოცხადდა 87%-მდე გამოსაცდელი. არ ყოფილა გამოცდიდან მოხსნის არც ერთი შემთხვევა. დაიგვიანა სამმა აპლიკანტმა.
საერთო სამაგისტრო გამოცდა 1-4 აგვისტოს ორ სესიად მიმდინარეობდა. პირველ სესიაზე აპლიკანტები გამოცდას წაკითხულის გააზრებასა და ანალიტიკურ წერაში აბარებდნენ, მეორე სესიაზე კი ლოგიკურ და რაოდენობრივ მსჯელობაში.
შედეგების ნახვის შესაძლებლობა კი გამოსაცდელებს სავარაუდოდ აგვისტოს ბოლოს ექნებათ.