2020 წლის საერთო სამაგისტრო გამოცდის აპელაციის შედეგები ცნობილია

2020 წლის საერთო სამაგისტრო გამოცდის აპელაციის შედეგები ცნობილია. მისი ნახვა ვებგვერდზე – online.naec.ge-ზე შეგიძლიათ. სისტემაში შესვლა შესაძლებელია პირადი ნომრითა და საგამოცდო ბარათზე მითითებული ცხრანიშნა საიდენტიფიკაციო კოდით.

აპელაციის შედეგების გაგება აპლიკანტებს მოკლე ტექსტური შეტყობინებითაც შეუძლიათ. ამისათვის მათ მობილური ტელეფონიდან (მაგთი, ჯეოსელი) საკუთარი საგამოცდო საიდენტიფიკაციო ნომერი უნდა გააგზავნონ ნომერზე 93 333 (მომსახურების საფასური 0.50 ლარი ჩამოიჭრება ანგარიშიდან იმდენჯერ, რამდენჯერაც აბონენტი გააგზავნის შეტყობინებას).

შედეგების გასაჩივრებასთან დაკავშირებით შექმნილი საგნობრივი კომისიის გადაწყვეტილება ტესტური დავალების შეფასების სისწორესთან დაკავშირებით შეიძლება გასაჩივრდეს აპელაციის შედეგების გამოქვეყნებიდან ერთი თვის ვადაში თბილისის საქალაქო სასამართლოში (მის.: თბილისი, აღმაშენებლის ხეივანი მე-12 კმ, №6).

ცნობისთვის, 2020 წელს საერთო სამაგისტრო გამოცდის ჩასაბარებლად 12 600-ზე მეტი აპლიკანტი დარეგისტრირდა. მათგან ჯამში რამდენი გავიდა გამოცდაზე და რამდენმა მათგანმა მოიპოვა უმაღლეს სასწავლებლებში სწავლის გაგრძელების უფლება უახლოეს დღეებში გავიგებთ.

აბსოლუტური საგრანტო ქულის გამოთვლის წესი

გამოცდები 2020