GE

აბიტურიენტს ტელეფონმა საგამოცდო სექტორში დაურეკა – როგორ აღმოაჩინეს დამკვირვებლებმა დარღვევა

EDU.ARIS.GE -მ 2020 წლის ეროვნული გამოცდების პირველ დღეს აბიტურიენტისთვის გამოცდაზე მობილური ტელეფონის აღმოჩენის შესახებ დეტალები გაარკვია. ფაქტის შესახებ გუშინ გამოცდების ცენტრის ხელმძღვანელმა დღის შემაჯამებელ ბრიფინგზე გამოაცხადა, თუმცა დეტალებზე არ უსაუბრია.

შემთხვევა ბათუმში მოხდა. პირველი სკოლის შენობაში განთავსებულ საგამოცდო ცენტრში აცხადებენ, რომ დამკვირვებლებმა მობილური ტელეფონი მას შემდეგ აღმოაჩინეს, რაც მან გამოცდის მიმდინარეობის პროცესში დარეკა და სწორედ ამის შემდეგ მოიხსნა აბიტურიენტი გამოცდიდან.

აბიტურიენტს საგამოცდო სექტორში ძველი მოდელის “ნოკიას” ფირმის პატარა ზომის მობილური ჰქონდა შეტანილი. კურატორის ინფორმაციით, წელს აბიტურიენტები გამოცდაზე შესვლამდე მხოლოდ დეტექტორით შეამოწმეს, რომელმაც მობილურის ქონა არ დააფიქსირა. გასულ წლებში აბიტურიენტებს გამოცდაზე შესვლამდე პოლიციელები ჩხრეკდნენ. მობილურებს კი რეგისტრაციის გავლამდე მიმღებში აბარებენ.

ბათუმში წელს პირველად სამი საგამოცდო ცენტრი გაიხსნა. ახალი საგამოცდო ცენტრი მე -14 საჯარო სკოლის შენობაა.

ყველა ამბავი გამოცდებიდან

დასვით კითხვა და მიიღეთ პასუხი - ედუს საცნობარო სამსახური
თამარა არის© იაკობიშვილი EDU.ARIS.GE-ს რედაქტორი