აბიტურიენტთა ფიზიკისა და ხელოვნების გამოცდაზე გამოყენებული ტესტები გამოქვეყნდა – გამოცდები 2020

აბიტურიენტები გამოცდებს უკვე არჩევით საგნებში აბარებენ. დღეს აპლიკანტების მცირე ნაწილმა გამოცდა 2 არჩევით საგანში  – ფიზიკასა და ხელოვნებაში ჩააბარა. დარეგისტრირებული აპლიკანტებიდან სახვითი და გამოყენებითი ხელოვნების გამოცდაზე გამოცხადდა 75%-ზე მეტი, ხოლო ფიზიკის გამოცდაზე – 91%-ზე მეტი აბიტურიენტი.

უკვე ცნობილია ის ტესტებიც, რომელზეც აბიტურიენტებმა აღნიშნული გამოცდების ფარგლებში იმუშავეს.

იხილეთ ტესტები

აბიტურიენტს აღნიშნული გამოცდები წარმატებით ჩაბარებულად ჩაეთვლება თუ მაქსიმალური ქულის 25%-ს დააგროვებს, თუმცა როგორც წინა წლებში, უმაღლეს საგანმანათლებლო დაწესებულებებს ახლაც აქვთ უფლება კონკრეტულ პროგრამებზე აწიონ ბარიერი, ანუ გაზარდონ მინიმალური კომპეტენციის ზღვარი.

შეგახსენებთ, რომ აბიტურიენტებს საგანმანათლებლო პროგრამების შეცვლისა და დამატების შესაძლებლობა აპელაციების შედეგების გამოქვეყნებიდან მომდევნო დღის ჩათვლით ექნებათ.

განახლებადი ინფორმაცია გამოცდების შესახებ