აბიტურიენტთა მათემატიკისა და ხელოვნების გამოცდის შედეგები და სწორი პასუხები ცნობილია – ქულის ნახვის ინსტრუქცია

გამოქვეყნდა 2020 წლის აბიტურიენტთა პირველად შედეგები მათემატიკაში, ასევე სახვით და გამოყენებით ხელოვნებაში.

საკუთარი შედეგის გასაგებად აბიტურიენტი უნდა შევიდეს ვებგვერდზე  online.naec.ge, შესაბამის ველში კი მიუთითოს პირადი ნომერი და ხუთნიშნა კოდი.

იხილეთ შ ე დ ე გ ე ბ ი

პირად გვერდზე გამოსაცდელს ექნება საკუთარი ნაშრომის ასლისა და კონკრეტულ საგანში მიღებული პირველადი, „ნედლი“ ქულის ნახვის შესაძლებლობა. ერთიანი ეროვნული გამოცდების საბოლოო შედეგები გამოქვეყნდება საპრეტენზიო განაცხადების განხილვის, ქულების გათანაბრებისა და სკალირების შემდეგ.

აბიტურიენტებმა უნდა გაითვალისწინონ, რომ იმ საგანში, რომელშიც ერთზე მეტი ვარიანტი იყო,  მინიმალური კომპეტენციის ზღვრის გადალახვის საკითხის გარკვევა ხდება  სხვადასხვა  ვარიანტში მიღებული ქულების გათანაბრების შემდეგ (იხ. ინფორმაცია გათანაბრების შესახებ).

შედეგების გაგებას აბიტურიენტები მოკლე ტექსტური შეტყობინებითაც შეძლებენ. ამისათვის აპლიკანტმა მობილური ტელეფონიდან (მაგთი, ჯეოსელი) საკუთარი საგამოცდო საიდენტიფიკაციო ნომერი უნდა გააგზავნოს ნომერზე 93333 (მომსახურების საფასური 0.50 ლარი ჩამოიჭრება ანგარიშიდან იმდენჯერ, რამდენჯერაც აბონენტი გააგზავნის შეტყობინებას).

იხილეთ მათემატიკისა და ხელოვნების გამოცდის ტესტების სწორი პასუხები

მათემატიკის ტესტის მაქსიმალური ქულაა 59. აბიტურიენტს საგამოცდო საგანი ჩაბარებულად ჩაეთვლება, თუ ქულათა გათანაბრების შემდეგ მისი ქულა გახდება ამ საგნისათვის განსაზღვრული მაქსიმალური ქულის 20%-ზე (ე. ი. 11.8 ქულაზე) მეტი.

სახვითი და გამოყენებითი ხელოვნების მაქსიმალური ქულაა 70.  საგამოცდო საგნის  ჩასაბარებლად  გამოსაცდელმა უნდა დააგროვოს  ამ საგნისთვის განსაზღვრული მაქსიმალური ქულის 25%-ზე (ე.ი. 17.5 ქულაზე) მეტი – ვინაიდან ამ საგანში გამოყენებული იყო ტესტის მხოლოდ ერთი ვარიანტი, გათანაბრება არ ხდება.