აჭარის სანაპიროზე ნამყოფი 2 237 მასწავლებლიდან 71% გაიტესტა და 8 კოვიდინფიცირებულია

იმ მასწავლებლებიდან, რომლებიც ზაფხულის განმავლობაში აჭარის ზღვის სანაპიროზე ისვენებდა, ტესტირება კორონავირუსზე უკვე 71%–ს ჩაუტარდა.

ამის შესახებ ინფორმაცია მედიას მთავრობის კანცელარიაში, დაავადებათა კონტროლის ცენტრის ხელმძღვანელმა გააცნო.

“როგორც იცით, ტესტირებას ექვემდებარებოდა 2 237 მასწავლებელი, ვინც იყო ნამყოფი აჭარის რეგიონში. აქედან 71 პროცენტი უკვე გატესტილია და რვას დაუდასტურდა კორონავირუსი. დადასტურებული პირებიდან 7 არის გურიის რეგიონი და 1 სამეგრელო ზემო სვანეთი”, – განაცხადა ამირან გამყრელიძემ.