„ახალდაბის საჯარო სკოლის მოსწავლეებს მოწესრიგებულ საპირფარეშოში არ გვიშვებენ“
გორის მუნიციპალიტეტის სოფელ ახალდაბის საჯარო სკოლის მოსწავლეებს იმ საპირფარეშოში არ უშვებენ, რომელიც მოწესრიგებულია.
როგოც სკოლის ერთ-ერთი მოსწავლე EDU.ARIS.GE-ს უყვება, შეზღუდვა მხოლოდ ბიჭებზე მოქმედებს.
მისივე თქმით, საჭიროების შემთხვევაში სარგებლობა იმ ძველი საპირფარეშოთი უწევთ, რომელსაც კარები არ აქვს და ანტისანიტარიაა.
აღნიშნულს სკოლაში უარყოფენ და ამბობენ, რომ მოსწავლეების ნაწილი ძველ შენობაში საკუთარი სურვილით შედის. საკითხთან დაკავშირებით კომენტარის გაკეთებაზე კატეგორიული უარი განაცხადეს გორის საგანმანათლებლო რესურსცენტრში.
,,ძალიან დიდი ხანია, რაც ბიჭებს ახალ საპირფარეშოში არ გვიშვებენ. გვეუბნებიან, რომ დავაბინძურებთ და ისევ ძველ საპირფარეშოთი ვსარგებლობთ, რომელსაც კარი არ აქვს და ცუდი სუნი დგას“, – გვითხრა ახალდაბის სკოლის მოსწავლემ.
,,ამ ფაქტს არ ვადასტურებ და მე საპირფარეშოში შესვლას არავის არ ვუკრძალავ. ძველი საპირფარეშო აღარ ფუნქციონირებს და იქ ბავშვები თვითნებურად შედიან“, – აცხადებს სკოლის დირექტორი.
მოამზადა ნიკა გაბლიშვილმა
- რა უფლებები მიენიჭათ საგანმანათლებლო რესურსცენტრებს სკოლებთან მიმართებით აჭარაში – განათლების მინისტრის ბრძანება by ARIS.GE-განათლება
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება