ბოლო ინფორმაციით, დიდთოვლობის გამო, მაღალმთიან აჭარაში სასწავლო პროცესი 17 სკოლაში შეწყდა

დღეს დილიდან, დიდთოვლობის გამო, ხულოს სამ სკოლაში სასწავლო პროცესი შეწყდა. მოსწავლეების რაოდენობის სიმცირის გამო კი მაღალმთიან აჭარაში სწავლის პროცესი კიდევ 14 სკოლაში შეჩერდა.

აჭარის განათლების სამინისტროში განაცხადეს, რომ მოსწავლეები სკოლებში არ გამოცხადდნენ, რის გამოც სასწავლო პროცესი ჯამში 17 სკოლაში – ხულოს 10 და შუახევის 7 სკოლაში არ ჩატარდა.

ხულოში თოვლის საფარი დაბალი ზონის სოფლებში 50 სმ-ია, მაღალი ზონის სოფლებში კი 1 მეტრს აღწევს.

მერიაში განაცხადეს, რომ საავტომობილო გზები ინტენსიურად იწმინდება.