განათლება და ეკონომიკური კეთილდღეობა იქნება ჩვენი სამოქმედო გეგმა – ბიძინა ივანიშვილი

“ეკონომიკური წარმატება განათლებით მიიღწევა”, – ამის შესახებ პარტია “ქართული ოცნება – დემოკრატიული საქართველოს” თავმჯდომარე ბიძინა ივანიშვილმა 2020 წლის არჩევნებზე მაჟორიტარული სიის წარდგენისადმი მიძღვნილ ღონისძიებაზე განაცხადა.

“ეკონომიკური წარმატება და კეთილდღეობა პირველ რიგში განათლებით მიიღწევა. სწორედ ამიტომ მიიღო ჩვენმა გუნდმა უმნიშვნელოვანესი გადაწყვეტილება ბიუჯეტის მეოთხედის განათლებაში დახარჯვის შესახებ. განათლება და ეკონომიკური კეთილდღეობა სწორედ ეს იქნება ქართული ოცნების სამოქმედო გეგმა და მიზანი მომდევნო წლების განმავლობაში. ამის მყარი საფუძვლები ჩვენ უკვე ჩაყრილი გვაქვს და მას ახლა განმტკიცება სჭირდება”, – განაცხადა ბიძინა ივანიშვილმა.