განათლების მინისტრი თვითიზოლაციაში იმყოფება

საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი თვითიზოლაციაში იმყოფება, – ამის შესახებ განათლების სამინისტრო EDU.ARIS.GE-ს კითხვის პასუხად გავრცელებული განცხადებით იუწყება.

“კორონავირუსი მისი ოჯახის წევრს დაუდასტურდა. მინისტრს არ აღენიშნება COVID-19-სთვის დამახასიათებელი სიმპტომები და თავს კარგად გრძნობს. მიხეილ ჩხენკელი საქმიანობას დისტანციურ რეჟიმში გააგრძელებს”, – წერია უწყების განცხადებაში.

როგორც საკოორდინაციო საბჭოს დასრულების შემდეგ ვიცე-პრემიერმა მაია ცქიტიშვილმა განაცხადა, მიხეილ ჩხენკელი და მინისტრი თურნავა ტესტის პასუხს ელიან.

შეგახსენებთ, რომ პრემიერ გიორგი გახარიას და მთავრობის ადმინისტრაციის ხელმძღვანელს კორონავირუსი დაუდასტურდათ, მინისტრთა ნაწილი კი თვითიზოლაციაში გადადის.