GE

გაზაფხულის სემესტრის მობილობით 3000-მდე სტუდენტმა ისარგებლა – რომელ უმაღლესში გადავიდა ყველაზე მეტი მსურველი

უმაღლეს სასწავლებლებში 2019-2020 სასწავლო წლის გაზაფხულის სემესტრის მობილობის შედეგები ცნობილიან და ამ ეტაპზე სტუდენტების სხვა უმაღლესში გადასვლის პროცესი მიმდინარეობს.

განათლების მართვის საინფორმაციო სისტემის მიერ EDU.ARIS.GE -სთვის მიწოდებული ინფორმაციის თანახმად, უნივერსიტეტის შეცვლის სურვილი 2 981-მა სტუდენტმა გამოთქვა.

„განაცხადების საერთო რაოდენობიდან მობილობით გადასვლის უფლება პორტალმა მიანიჭა 2692 სტუდენტს (საგაზაფხულო მობილობის პროცესი ჯერ არ დასრულებულა). მობილობა ვერ განახორციელა 289 სტუდენტმა. ჩვეულებრივ, წარუმატებელი მობილობის ძირითად მიზეზს წარმოადგენს სტუდენტის არასაკმარისად კონკურენტუნარიანი სკალირებული ქულა. სხვა მნიშვნელოვან მიზეზად შეიძლება დავასახელოთ, აგრეთვე, მობილობის საფასურის გადაუხდელობა“, – აცხადებენ განათლების მართვის საინფორმაციო სისტემაში.

ამ დროისთვის არსებული მონაცემებით, 2019-2020 სასწავლო წლის გაზაფხულის სემესტრის მობილობის შედეგად ყველაზე მეტი სტუდენტი საქართველოს ტექნიკურმა უნივერსიტეტმა მიიღო. მობილობის კუთხით, ხუთი ყველაზე მოთხოვნადი უნივერსიტეტის სია (ვაკანტური ადგილების რაოდენობის გათვალისწინებით) ასე გამოიყურება:

სტუდენტების გადასვლის მაჩვენებლები:

სსიპ – საქართველოს ტექნიკური უნივერსიტეტი – 576 სტუდენტი

სსიპ – ილიას სახელმწიფო უნივერსიტეტი – 328 სტუდენტი

შპს საქართველოს ეროვნული უნივერსიტეტი სეუ -213  სტუდენტი

სსიპ – აკაკი წერეთლის სახელმწიფო უნივერსიტეტი – 140 სტუდენტი

სსიპ – ბათუმის შოთა რუსთაველის სახელმწიფო უნივერსიტეტი – 106 სტუდენტი

დასვით კითხვა და მიიღეთ პასუხი - ედუს საცნობარო სამსახური
თამთა არის© ვირსალაძე Aris.ge-განათლების ჟურნალისტი