გორის სამ სკოლაში კორონავირუსის ახალი შემთხვევები გამოვლინდა
![](https://edu.aris.ge/news/wp-content/uploads/2020/10/1504868779057350-458x257.jpg)
გორის მუნიციპალიტეტის სამ სკოლაში კორონავირუსის ახალი შემთხვევები გამოვლინდა. ამის შესახებ შიდა ქართლის რეგიონის რწმუნებულის მოვალეობის შემსრულებელმა განაცხადა.
სიმონ გულედანის თქმით, ვირუსი 1-ლ და მე-8 საჯარო სკოლების, ასევე სოფელ ფლავის საჯარო სკოლის მოსწავლეებს დაუდასტურდათ.
მერვე და ფლავის საჯარო სკოლა ორი კვირით დისტანციურ რეჟიმის სწავლებაზე გადავა, რაც შეეხება პირველ სკოლას, აქ თვითიზოლაციაში მესამე და მეათე კლასი გადავა და სწავლება დისტანციურ რეჟიმში ჩაუტარდებათ.
„შიდა ქართლში კორონავირუსის 15 ახალი შემთხვევა გამოვლინდა. თითოეული მათგანის ჯანმრთელობის მდგომარეობა არის სტაბილური. კორონავირუსი დაუდასტურდა პირველი სკოლის ორ მოსწავლეს, რის გამოც ეს კლასები გადადის თვითიზოლაციაში და სწავლება წარიმართება დისტანციურად. კოვიდ 19 შემთხვევები დადასტურდა ასევე გორის მერვე და ფლავის სკოლებში“, – განაცხადა სიმონ გულედანმა.
ამ დრომდე საკლასო ოთახებში სწავლა შეწყვეტილია გორის მესამე საჯარო სკოლაში. მიზეზი აქაც კორონავირუსით მოსწავლის ინფიცირებაა.
მოამზადა ნიკა გაბლიშვილმა
-
პროფესიულ საგანმანათლებლო პროგრამაზე ჩარიცხვის ახალი წესი და პირობები დამტკიცდა – მინისტრის ბრძანება by პროფესიული განათლების ამბები
-
„მოქნილი გახდება სისტემა, რომლითაც ახალგაზრდებს საშუალება ექნებათ სტაჟირება პარლამენტში გაიარონ“ by ARIS.GE-განათლება
-
რესურსცენტრი მაკონტროლებლიდან სკოლის რეალურ მხარდაჭერაზე ორიენტირებული უნდა გახდეს – რა აჩვენა საპარლამენტო მოკვლევამ by ARIS.GE-განათლება