გორის სახელმწიფო უნივერსიტეტი აბიტურიენტთა საყურადღებოდ განცხადებას ავრცელებს

გორის სახელმწიფო უნივერსიტეტი აბიტურიენტთა საყურადღებოდ განცხადებას ავრცელებს, რომელსაც უცვლელად გთავაზობთ:

“მიმდინარე პერიოდში გორის სახელმწიფო სასწავლო უნივერსიტეტის 8 საბაკალავრო პროგრამა გადის განმეორებითი აკრედიტაციის პროცესს, რის გამოც ამ ეტაპზე naec.ge-ზე აღნიშნული პროგრამები არ არის გააქტიურებული. ერთი კვირის განმავლობაში პროგრამები ეტაპობრივად გააქტიურდება naec.ge -ზე და შეძლებთ დარეგისტრირებას ან გადარეგისტრირებას.

დღევანდელი მდგომარეობით შეგიძლიათ რეგისტრაცია გაიაროთ გორის უნივერსიტეტის სხვა პროგრამაზე, თქვენთვის სასურველი პროგრამის გააქტიურების შემდეგ კი დაამატოთ იგი ან შეცვალოთ არჩევანი. გისურვებთ წარმატებებს!”, – ნათქვამია განცხადებაში.