გორის სახელმწიფო უნივერსიტეტის 9 წარჩინებულ სტუდენტს გუდავაძე-პატარკაციშვილის ფონდმა სტიპენდია დაუნიშნა

გუდავაძე-პატარკაციშვილის ფონდმა გორის უნივერსიტეტის განათლების მიმართულების 9 წარჩინებული სტუდენტი დააფინანსა. სტუდენტებისთვის სტიპენდიის დანიშვნა, მიმდინარე წლის ივლისში გორის სახელმწიფო სასწავლო უნივერსიტეტსა და გუდავაძე-პატარკაციშვილის ფონდს შორის გაფორმდა ურთიერთთანამშრომლობის მემორანდუმის ფარგლებში მოხდა.

მხარეებს შორის ხელშეკრულების ხელმოწერის საზეიმო ცერემონიალი 5 ნოემბერს გორის სახელმწიფო სასწავლო უნივერსიტეტის სააქტო დარბაზში გაიმართება. შეხვედრას დაესწრებიან მხარეთა წარმომადგენლები და სტიპენდიანტი სტუდენტები.