გრიგოლ რობაქიძის სახელობის უნივერსიტეტის თანაორგანიზებით ჩატარდა საჯარო ლექცია თემაზე „გენოციდი: The Crime of Crimes“
2020 წლის 5 დეკემბერს ადამიანის უფლებათა საუნივერსიტეტო კვირეულის ფარგლებში გრიგოლ რობაქიძის სახელობის უნივერსიტეტის, გენოციდის ჰოლოკოსტისა და შეიარაღებული კონფლიქტების სასწავლო ცენტრისა და სამოქალაქო განათლების ცენტრის ორგანიზებით ჩატარდა საჯარო ლექცია თემაზე: გენოციდი- The Crime of Crimes.
საჯარო ლექციაზე განხილულ იქნა გენოციდის, როგორც საერთაშორისო დანაშაულის, ისტორიული განვითარების ეტაპები, გაერთიანებული ერების ორგანიზაციის მიერ 1948 წლის 9 დეკემბერს მიღებული კონვენციის – „გენოციდის დანაშაულის თავიდან აცილებისა და დასჯის შესახებ“, შექმნის ისტორიული წინაპირობები და გამომწვევი მიზეზები, დანაშაულთან მიმართებით ეროვნული კანონმდებლობის თავისებურებანი, ისევე როგორც, გენოციდის ცალკეული შემთხვევები. მათ შორის: პირველი და მეორე მსოფლიო დროს ოსმალეთის იმპერიისა და ნაცისტური გერმანიის მიერ განხორციელებული დანაშაულებრივი ქმედებები (ჰოლოკოსტი), რუანდის გენოციდი და სხვა არაერთი მნიშვნელოვანი საკითხი.
ლექციას უძღვებოდა გენოციდის ჰოლოკოსტისა და შეიარაღებული კონფლიქტების სასწავლო ცენტრის ხელმძღვანელი ბაქარ მაცაბერიძე.
- GRUNI-ს დოქტორანტი, თორნიკე მერებაშვილი აშშ-ში, Brigham Young-ის უნივერსიტეტში, ისწავლის by გრიგოლ რობაქიძის უნივერსიტეტი
- გორის სახელმწიფო უნივერსიტეტის რექტორმა სლუპსკის პომერანიის უნივერსიტეტის დელეგაციას უმასპინძლა by გრიგოლ რობაქიძის უნივერსიტეტი
- GRUNI-ში ლიდერობის საერთაშრისო პროგრამის დახურვის საზეიმო ცერემონია გაიმართა by გრიგოლ რობაქიძის უნივერსიტეტი