გრიგოლ რობაქიძის სახელობის უნივერსიტეტში ტერორიზმის კვლევის ცენტრი დაარსდა

გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევით ინსტიტუტში ტერორიზმის კვლევის ცენტრი დაარსდა.

22 ოქტომბერს ახლად შექმნილი ცენტრის დაფუძნება განიხილეს ინსტიტუტის სამეცნიერო საბჭოს სხდომაზე, რომელსაც ესწრებოდა უნივერსიტეტის რექტორი, პროფესორი მამუკა თავხელიძე.

ცენტრის მიზნები და ამოცანები საბჭოს წევრებს გააცნო მისმა ხელმძღვანელმა, უნივერსიტეტის ასოცირებულმა პროფესორმა ბადრი ნაჭყებიამ. საბჭოს წევრებმა ერთხმად დაუჭირეს მხარი ტერორიზმის კვლევის ცენტრის დაფუძნებას.