გრიგოლ რობაქიძის უნივერსიტეტის ტურიზმის პროგრამის ხელმძღვანელმა მონაწილეობა მიიღო საქართველოს ტურიზმის ასოციაციის მიერ ორგანიზებულ გასვლით ტურში
3 ოქტომბერს გრიგოლ რობაქიძის სახელობის უნივერსიტეტის ტურიზმის პროგრამის ხელმძღვანელი, პროფესორი გივი ყუფარაძე მონაწილეობდა მრავალფუნქციური ტურისტული კომპლექსის „შუაგული“ (SHUAGULI – Events & Garden) გაცნობით ტურში, რომელიც საქართველოს ტურიზმის ასოციაციის მიერ იყო ორგანიზებული.
შეხვედრაზე მიწვეულნი იყვნენ სხვადასხვა უნივერსიტეტის ტურიზმის მიმართულების ხელმძღვანელები. პროგრამა ითვალისწინებდა ასოციაციის წამომადგენლებისა და ტურიზმის აკადემიური წრეების გაცნობას, ასევე, ახლად გახსნილი ტურისტული ცენტრის – „შუაგულის“, დათვალიერებას. ტურის ფარგლებში მონაწილეებმა დაათვალიერეს ტერიტორია, გლემპინგის (გლამურული კემპინგი) ტიპის სასტუმრო, სანერგე, გაეცნენ სანომრე ფონდს, დააგემოვნეს ღვინო.
შეხვედრაზე გადაწყდა, რომ მომზადდება ურთიერთთანამშრომლობის მემორანდუმი გრიგოლ რობაქიძის სახელობის უნივერსიტეტსა და საქართველოს ტურიზმის ასოციაციას შორის.
- „ქოუჩინგი – როგორც კარიერული წინსვლის ინტრუმენტი“ – საჯარო ლექცია GRUNI-ში by გრიგოლ რობაქიძის უნივერსიტეტი
- მედიაციის საუნივერსიტეტო კონკურსის გამარჯვებულთა დაჯილდოება GRUNI-ში და რექტორის უპრეცედენტო გადაწყვეტილება უფროსკლასელებისთვის by გრიგოლ რობაქიძის უნივერსიტეტი
- გრუნიში ანტიპლაგიატის კვირეული მიმდინარეობს by გრიგოლ რობაქიძის უნივერსიტეტი