GE

გრიგოლ რობაქიძის უნივერსიტეტსა და სკოლა „პროგრესს“ შორის თანამშრომლობის მემორანდუმი გაფორმდა

გრიგოლ რობაქიძის სახელობის უნივერსიტეტი თანამშრომლობის არეალს აფართოებს როგორც საქართველოს, ისე საერთაშორისო საგანმანათლებლო დაწესებულებებთან.

7 თებერვალს გამართულ შეხვედრაზე უნივერსიტეტისა და ამერიკის უმაღლესი საერთაშორისო სკოლა-კოლეჯ „პროგრესის“ ხელმძღვანელებმა მამუკა თავხელიძემ და ნინო ჩიკვაშვილმა განიხილეს ერთობლივი თანამშრომლობის საკითხები და მოსწავლეებისა და სტუდენტთა ცოდნის განმტკიცების, პროფესიული ორიენტაციისა და პიროვნული/კარიერული განვითარების ხელშეწყობის მიზნით ხელი მოაწერეს მემორანდუმს, რომლის ფარგლებშიც უზრუნველყოფენ ერთობლივი პროგრამებისა და პროექტების, კვლევებისა და სხვა საგანმანათლებლო აქტივობების განხორციელებას.

თანამშრომლობის ფარგლებში უნივერსიტეტის სტუდენტებისა და პროფესორ-მასწავლებლების პირველი შეხვედრა – პრეზენტაცია „პროგრესის“ მოსწავლეებთან უკვე მიმდინარე წლის 13 თებერვალსაა დაგეგმილი.

დასვით კითხვა და მიიღეთ პასუხი - ედუს საცნობარო სამსახური
გრიგოლ რობაქიძის უნივერსიტეტი