გრიგოლ რობაქიძის უნივერსიტეტში ელექტრონული სისტემა „ნექსუსის“ მეშვეობით სწავლა უწყვეტად მიმდინარეობს

გრიგოლ რობაქიძის სახელობის უნივერსიტეტის ინფორმაციით, სწავლა და აკადემიური პროცესის მართვის ელექტრონული სისტემა „ნექსუსის“ მეშვეობით უწყვეტად მიმდინარეობს და ამ სისტემას უნივერსიტეტი 15 წელზე მეტია წარმატებით იყენებს.

აღსანიშნავია, რომ მეცადინეობების პროცესში მონაწილეობის მიღება შესაძლებელია, როგორც კომპიუტერის, ისე მობილური ტელეფონის საშუალებით.

„ნექსუსის“ ადმინისტრაცია დაუღალავად მუშაობს სისტემის გამრავალფეროვნებისა და შეუფერხებელი მუშაობის უზრუნველსაყოფად, ამავე დროს, ის სიამოვნებით მიიღებს თითოეული სტუდენტისა თუ ლექტორის წინადადებას/მოსაზრებას ამ სისტემის კიდევ უფრო დახვეწისა და გაუმჯობესებისათვის“, – ვკითხულობთ უნივერსიტეტის მიერ გავრცელებულ განცხადებაში.

უნივერსიტეტი წარმატებას უსურვებს თითოეულ პროფესორსა და სტუდენტს სასწავლო პროცესის ახლებური, თანამედროვე ფორმით წარმართვის საქმეში.