კერძო სკოლებში პირველკლასელთა რეგისტრაცია 27 აპრილიდან დაიწყება – დეტალები

კერძო სამართლის იურიდიული პირის სახელით დაფუძნებული ზოგადსაგანმანათლებლო დაწესებულების პირველ კლასში მოსწავლეთა რეგისტრაციისათვის ვადები განისაზღვრა.

საქართველოს განათლების, მეცნიერების, კულტურისა და სპორტის მინისტრის, მიხეილ ჩხენკელის ბრძანებით, პირველკლასელთა რეგისტრაცია კერძო სკოლაში სწავლის მსურველებისთვის 2020 წლის 27 აპრილს დაიწყება და 2020 წლის 10 ივლისის ჩათვლით გაგრძელდება.

განათლების სამინისტროს ინფორმაციით, მშობლებმა  საჭირო საბუთების წარსადგენად და პირველკლასელთა დასარეგისტრირებლად უნდა მიმართონ სასურველ კერძო სკოლას, სწორედ კერძო სკოლის ადმინისტრაცია განახორციელებს მოსწავლეთა რეგისტრაციას აღნიშნულ ვადებში.