კორონავირუსის გამო 1,5 მილიარდი ადამიანი სასწავლო დაწესებულებაში არ დადის
მსოფლიოს 165 ქვეყანაში სკოლები და უნივერსიტეტები ვირუსის SARS-CoV-2 გავრცელების გამო დაიხურა. უსაფრთხოების ეს ზომა უკვე 1,5 მილიარდ მოსწავლესა და სტუდენტს შეეხო.
ეს მონაცემები 26 მარტს, გაერთიანებული ერების განათლების, მეცნიერებისა და კულტურის ორგანიზაციამ გამოაქვეყნა. იუნესკოს გენერალური დირექტორის, ოდრი აზულეს თქმით, სასწავლო პროცესი ასე მკაცრად აქამდე არასოდეს დარღვეულა.
შექმნილი მდგომარეობის გამოსასწორებლად ორგანიზაციამ განათლების საკითხებში გლობალური კოალიცია შექმნა. მასში მთავრობების წევრები, საერთაშორისო ორგანიზაციები, ფონდები, საგანმანათლებლო დაწესებულებები, ბიზნესისა და მედიაკომპანიების წარმომადგენლები არიან გაერთიანებულნი. კოალიციის მთავარ მიზანს საგანგებო მდგომარეობაში ინფორმაციის გაცვლა და სწორი გადაწყვეტილებების მიღება წარმოადგენს.
გაერთიანებული ერების ორგანიზაციამ აღნიშნა, რომ სკოლებისა და უნივერსიტეტების უმრავლესობა დისტანციურ სწავლებაზე გადავიდა. ამისათვის სასწავლო დაწესებულებები ინტერნეტ, სატელევიზიო და რადიო გადაცემებს იყენებენ.
მოამზადა თეა ინაშვილმა
წყარო: dw.com/ru
- „განათლებაში სარისკო გლობალური ტენდენციების დამკვიდრება არ გვინდა“ – ზგემის საბოლოო ვარიანტი შედგენილია by ARIS.GE-განათლება
- რა აქვს გასაკეთებელი განათლების სამინისტროს ბილინგვური განათლების უზრუნველსაყოფად – სახალხო დამცველის რეკომენდაციები by ARIS.GE-განათლება
- მასწავლებლის აღიარების, დაფასებისა და მხარდაჭერის როლი სწავლა-სწავლების პროცესში – მაგალითები by განათლებული ბლოგი