პარლამენტის განათლების კომიტეტს თეა წულუკიანი უხელმძღვანელებს

მმართველმა პარტიამ საპარლამენტო თანამდებობებთან დაკავშირებით რამდენიმე საკადრო გადაწყვეტილება უკვე მიიღო.

ამის შესახებ „ქართული ოცნების“ ერთ-ერთმა ლიდერმა ირაკლი კობახიძემ დღეს, 10 დეკემბერს, გამართულ ბრიფინგზე განაცხადა. მისი თქმით, პარლამენტის განათლების, მეცნიერებისა და კულტურის კომიტეტს იუსტიციის ყოფილი მინისტრი თეა წულუკიანი უხელმძღვანელებს.

2020 წლის საქართველოს მე-10 მოწვევის პარლამენტის პირველი სხდომა ხვალ, 11 დეკემბერს უნდა გაიმართოს.

შეგახსენებთ, რომ თეა წულუკიანი აქამდე იუსტიციის მინისტრის პოსტს იკავებდა. აღნიშნული პოსტი მან რამდენიმე თვის წინ დატოვა.