პრემიერმა განმარტა, რა იქნება განათლების გრძელვადიანი რეფორმის შედეგი

საქართველოს პრემიერ-მინისტრ გიორგი გახარიას განცხადებით, განათლების რეფორმა, რომელიც აუცილებლად გაგრძელდება კონკრეტულ შედეგს დადებს.

“ახალგაზრდებმა უნდა შეძლონ თავიანთი თავის გამოჩენა. ყველას უნდა გვესმოდეს განათლების რეფორმის მნიშვნელობა. ეს არის გრძელვადიანი რეფორმა, ორიენტირებული ჩვენს მომავალ თაობაზე. და ამ რეფორმის საბოლოო მიზანი არის, რომ ჩვენი შვილები, საერთაშორისო ბაზარზე, როდესაც სრულიად ახალი გამოწვევები, სრულიად ახალი ეკონომიკა, სრულიად ახალი კონკურენტული გარემო იქნება, უნდა იყვნენ მსოფლიოს ყველაზე წარმატებული ქვეყნების შვილებთან თანაბარ დონეზე და ჩვენ ამისთვის უნდა გავატაროთ ეს რეფორმა წარმატებულად”, – განაცხადა გიორგი გახარიამ.