ქუთაისის 20-მდე საჯარო სკოლასა და 17 ბაგა-ბაღში სასწავლო და სააღმზრდელო პროცესი შეჩერებულია

ქუთაისში, ბუნებრივი აირის მიწოდების შეფერხებამ საჯარო სკოლებსა და სკოლამდელი აღზრდის დაწესებულებებში სწავლის პროცესის შეწყვეტა გამოიწვია.

ქუთაისის რესურსცენტრის ხელმძღვანელ მაია ცქიტიშვილის ინფორმაციით, დღეს სწავლა 20-მდე საჯარო სკოლაში არ მიმდინარეობს და სასწავლო პროცესი გაზის მიწოდების აღდგენის შესაბამისად განახლდება.

ერთ დღიანი შესვენება ასევე შეეხო ქალაქში მოქმედ 17 ბაგა-ბაღს. როგორც ქუთაისის ა(ა)იპ ბაგა-ბაღების გაერთიანების მმართველმა დავით წიტაიშვილმა განაცხადა, იმ შემთხვევაში თუ მშობლებს გამოუვალი სიტუაცია აქვთ, ბავშვის დატოვება შეეძლებათ და ოთახს ალტერნატიული გზით ელექტროენერგიით გაათბობენ.

ცნობისთვის 2 დღეა ქუთაისის დიდ ნაწილს გაზი შეფერხებით მიეწოდება

მოამზადა ჟუკა ბანძელაძემ