ქუთაისის მე–9 საჯარო სკოლა კორონავირუსის დაფიქსირების გამო სწავლების ონლაინ რეჟიმს დაუბრუნდა

ქუთაისის მე–9 საჯარო სკოლა Covid–19-ის დაფიქსირების გამო სწავლების ონლაინ რეჟიმს დაუბრუნდა.

სკოლის დირექტორის სოფიო ქუთათელაძის თქმით, ბავშვი რომელსაც ვირუსი დაუდასტურდა დაწყებითი საფეხურის მოსწავლეა. სწავლის პროცესის განახლების შემდეგ ის გაკვეთილებს ესწრებოდა და სკოლაში მხოლოდ გუშინ არ იმყოფებოდა.

ტესტის პასუხი ცნობილი დილით გახდა. ამ ეტაპზე კლასელებსა და მასწავლებლებს კორონავირუსზე ტესტირება უტარდებათ. სკოლაში კი, სწავლის პროცესი ონლაინ ორი კვირის განმავლობაში გაგრძელდება.

მოამზადა ჟკა ბანძელაძემ