რა იცვლება 2021 წლის ეროვნული გამოცდების ტესტებში – სიახლეებს გამოცდების ცენტრი აქვეყნებს
![](https://edu.aris.ge/news/wp-content/uploads/2019/07/gori1-458x257.jpg)
შეფასებისა და გამოცდების ეროვნული ცენტრის ინფორმაციით, 2021 წელს ერთიანი ეროვნული გამოცდების საგამოცდო პროგრამები და დავალებათა ტიპები უცვლელი რჩება. რამდენიმე საგანში მხოლოდ გამოცდის ხანგრძლივობა და მაქსიმალური ქულა შემცირდება. ეს ცვლილება შეეხება 3 საგნის – მათემატიკის, ქიმიისა და ფიზიკის ტესტებს.
აღნიშნული ცვლილებები დეტალურად კი ასე გამოიყურება:
მათემატიკა
2021 წლის მათემატიკის ტესტში იქნება 35 (27 დახურული და 8 ღია ტიპის) დავალება, მაქსიმალური ქულა კი – 51.
ღია დავალებები შედგენილი იქნება ორი ორქულიანი, ოთხი სამქულიანი და ორი ოთხქულიანი დავალებისაგან. ტესტის შესრულებისათვის გამოყოფილი დრო იქნება 3 სთ, მინიმალური ბარიერი კი – არანაკლებ 11 ქულისა (უმაღლეს სასწავლებლებს უფლება აქვთ უფრო მაღალი ბარიერი დააწესონ).
ფიზიკა და ქიმია
ფიზიკისა და ქიმიის ტესტებზე სამუშაოდ გამოყოფილი იქნება 3 საათი, ხოლო მაქსიმალური ქულა – 63.
როგორც შეფასებისა და გამოცდების ეროვნული ცენტრის გვერდზე ვკითხულობთ, სხვა საგნების ტესტებში ცვლილებები არ იგეგმება.
2020 წელს ერთიან ეროვნულ გამოცდებზე გამოყენებული საგამოცდო ტესტები შეგიძლიათ იხილოთ შემდეგ ბმულზე.
-
განათლების ხარისხის განვითარების ეროვნული ცენტრის მართვაში ცვლილებები შევა – კანონპროექტი by ARIS.GE-განათლება
-
„აბიტურიენტებისგან იზრდება მოთხოვნა საინჟინრო მიმართულებებზე“ – NAEC-ის ხელმძღვანელი by ARIS.GE-განათლება
-
„ამ ფორმულით დაწყებითების მასწავლებლები განსაკუთრებით დაზარალდნენ…“ – წამყვანი მასწავლებლის დიალოგი განათლების სამინისტროსთან by ARIS.GE-განათლება