GE

როდის გამოქვეყნდება ე.წ. უფასო ფაკულტეტები – სამინისტროს პასუხი

სახელმწიფოს მიერ სრულად დაფინანსებული საბაკალავრო საგანმანათლებლო პროგრამების გამოქვეყნებას 2020 წლის აბიტურიენტები დიდი ინტერესით ელიან.

მის არჩევის შემთხვევაში სახელმწიფო სრულად აფინანსებს სტუდენტის სწავლას.

ფაკულტეტების სიისა და ადგილების რაოდენობის შესახებ ინფორმაციის გამოქვეყნების თარიღის გარკვევის მიზნით განათლების, მეცნიერების, კულტურისა და სპორტის სამინისტროს დავუკავშირდით.

როგორც EDU.ARIS.GE-ს უწყებაში უპასუხეს, სახელმწიფოს მიერ სრულად დაფინანსებული საგანმანათლებლო პროგრამები ახლო მომავალში გამოქვეყნდება. ამის შემდეგ აბიტურიენტებს თავიანთი არჩევანის ცვლილება და ე.წ უფასო ფაკულტეტით ჩანაცვლების საშუალება ექნებათ.

ცნობისთვის, საგანმანათლებლო პროგრამების მითითებისა და შეცვლის საშუალება აბიტურიენტებს აპელაციის შედეგების გამოქვეყნებიდან მომდევნო დღის ჩათვლით ექნებათ.

დასვით კითხვა და მიიღეთ პასუხი - ედუს საცნობარო სამსახური