საბავშვო ბაღები პირველი ოქტომბრიდან გაიხსნება

საბავშვო ბაღები პირველი ოქტომბრიდან გაიხსნება – აღნიშნული ინფორმაცია დღეს საკოორდინაციო საბჭოს სხდომის შემდეგ გამართულ ბრიფინგზე გახდა ცნობილი.

ამასთან, როგორც პრემიერი სოციალურ ქსელში წერს, 1-ელი ოქტომბრიდან განაახლებენ მუშაობას თეატრებიც. გარდა ამისა, მთავრობის მეთაურის ინფორმაციით, 2 სექტემბრიდან დაგეგმილია დაბა მესტიის და ლენჯერის გახსნა.

„კოვიდ 19-თან ბრძოლაში ვინარჩუნებთ თანმიმდევრულ მიდგომას და ეტაპობრივ ვხსნით: საბავშვო ბაღებს და თეატრებს 1-ელი ოქტომბრიდან, სკოლებს და კინოთეატრებს 15 სექტემბრიდან, დაბა მესტიას და ლენჯერს 2 სექტემბრიდან“, – ვკითხულობთ პრემიერ-მინისტრის ოფიციალურ გვერდზე.