სად და როგორ უნდა აიღოთ ცნობა 2020 წლის მასწავლებელთა გამოცდების ჩაბარების შესახებ?
![](https://edu.aris.ge/news/wp-content/uploads/2018/12/naec-testi-warwera-458x257.jpg)
მასწავლებლის გამოცდის ჩაბარების შესახებ ცნობის აღება აპლიკანტებს თბილისში შეფასებისა და გამოცდების ეროვნულ ცენტრში, ხოლო რეგიონებში განათლების სამინისტროს რესურსცენტრებში შეუძლიათ.
როგორც EDU.ARIS.GE-ს შეფასებისა და გამოცდების ეროვნულ ცენტრში განუცხადეს, ცნობის ასაღებად მსურველები ადგილზე უნდა მივიდნენ და განცხადება დაწერონ.
„სანამ აპელაციის შედეგები გამოქვეყნდება, მანამდე მასწავლებლის გამოცდების პირველადი შედეგის შესახებ გაიცემა ცნობა. ცნობა განცხადების დაწერიდან 5 სამუშაო დღეში იქნება მზად. აპელაციის პროცესის დასრულების შემდეგ კი იქნება გამოცდის საბოლოო შედეგები“, – განუცხადეს EDU.ARIS.GE-ს შეფასებისა და გამოცდების ეროვნულ ცენტრში.
ინფორმაციისთვის, გამოცდების ჩაბარების შესახებ ცნობა მასწავლებლის მოსამზადებელ 60-კრედიტიან პროგრამაზე გასაგრძელებლადაა საჭირო, ასევე მასწავლებლის ვაკანსიების გვერდზე ანკეტის შევსებისასაც ითხოვენ ცნობას გამოცდის ჩაბარების შესახებ.
რაც შეეხება სკოლაში დასაქმებულ პედაგოგებს, მათი გამოცდების შედეგები ავტომატურად აისახება მათ ელექტრონულ გვერდზე e sсhool -ის ბაზაში.
შეგახსენებთ, რომ წელს ზაფხული მასწავლებლის გამოცდაზე მასწავლებლობის მსურველებს ჰქონდათ გასვლის საშუალება. პრაქტიკოსი მასწავლებლებისთვის კი გამოცდები შემოდგომაზე ჩატარდება.
მოამზადა ცისანა შერგილაშვილმა
-
დედაქალაქსა და რეგიონებში საგანმანათლებლო რესურსცენტრების ხელმძღვანელთა ჩანაცვლება დაიწყო by ARIS.GE-განათლება
-
პროფესიულ საგანმანათლებლო პროგრამაზე ჩარიცხვის ახალი წესი და პირობები დამტკიცდა – მინისტრის ბრძანება by პროფესიული განათლების ამბები
-
„მოქნილი გახდება სისტემა, რომლითაც ახალგაზრდებს საშუალება ექნებათ სტაჟირება პარლამენტში გაიარონ“ by ARIS.GE-განათლება