საჯარო სკოლას წელს 34 ათასზე მეტი მოზარდი დაამთავრებს
![](https://edu.aris.ge/news/wp-content/uploads/2018/12/zamtris-ardadegebi-vardisferi-skola-458x257.jpg)
საჯარო სკოლების დაწყებით და საშუალო საფეხურზე მოსწავლეთა რაოდენობა ბოლო წლის მანძილზე ზრდადი ტენდენციით ხასიათდება, განსხვავებული სიტუაციაა საბაზო საფეხურზე. ინფორმაციას საქსტატი აქვეყნებს.
მიმდინარე, 2019-2020 სასწავლო წელს საჯარო სკოლების დაწყებით საფეხურზე (1-დან მე-6 კლასის ჩათვლით) 290 ათასი მოსწავლე ირიცხება, 2018-2019 სასწავლო წელს ეს რიცხვი შეადგენდა – 283 ათასს, 2017-2018 წლებში კი – 274 ათასს.
საშუალო საფეხურზე (მე-7 დან მე-9 კლასის ჩათვლით) აღრიცხული მოსწავლეების ოდენობა გასულ წელთან შედარებით შემცირებულია და მიმდინარე 2019-2020 სასწავლო წელს შეადგენს 128 ათასს, 2018-2019 წლებში იყო – 134 ათასი, 2017-2018 სასწავლო წელსაც – 134 ათასი.
რაც შეეხება საშუალო საფეხურს (მე-10,მე-11,მე- 12 კლასი) ამ საფეხურზე მიმდინარე სასწავლო წელს საჯარო სკოლებში ირიცხება 112 ათასი მოზარდი, გასულ სასწავლო წელს იყო -108 ათასი, 2017-2018 სასწავლო წელს კი -110 ათასი.
საქსტატის მონაცემებში ასევე გვხვდება მოსწავლეთა რაოდენობა კონკრეტული კლასების მიხედვით. EDU.ARIS.GE პოტენციური აბიტურიენტების რიცხვით დაინტერესდა. უწყების ინფორმაციით, საჯარო სკოლების მე-12, ანუ დამამთავრებელ კლასში მიმდინარე 2019-2020 სასწავლო წელს 34 744 მოსწავლე ირიცხება. გასულ წელს მათი რიცხვი 34 688 იყო.
მოამზადა თამთა ვირსალაძემ
-
პროფესიულ საგანმანათლებლო პროგრამაზე ჩარიცხვის ახალი წესი და პირობები დამტკიცდა – მინისტრის ბრძანება by პროფესიული განათლების ამბები
-
„მოქნილი გახდება სისტემა, რომლითაც ახალგაზრდებს საშუალება ექნებათ სტაჟირება პარლამენტში გაიარონ“ by ARIS.GE-განათლება
-
რესურსცენტრი მაკონტროლებლიდან სკოლის რეალურ მხარდაჭერაზე ორიენტირებული უნდა გახდეს – რა აჩვენა საპარლამენტო მოკვლევამ by ARIS.GE-განათლება