საგანმანათლებლო დაწესებულებები შეზღუდვების მოხსნის ბოლო ეტაპზე მოხვდნენ
საქართველოს პრემიერ-მინისტრმა გიორგი გახარიამ საზოგადოებას COVID-19 პანდემიის გამო შექმნილი სიტუაციიდან გამომდინარე შექმნილი ანტიკრიზისული ეკონომიკური გეგმა წარუდგინა. პრემიერმა ისაუბრა იმ მიზნობრივ და სოციალურ დახმარებებზე, რომლითაც გეგმის ფარგლებში მოქალაქეები ისარგებლებენ.
გიორგი გახარიამ ისაუბრა ასევე 27 აპრილიდან ქვეყანაში არსებული შეზღუდვების ეტაპობრივ შემსუბუქებაზე. მისი განმარტებით 27 აპრილიდან იხსნება მსუბუქი ავტომობილებით გადაადგილების და ტაქსების მომსახურების შეზღუდვა, ამის შემდეგ ყოველ ორ კვირაში სხვადასხვა შეზღუდვები ეტაპობრივად შემსუბუქდება.
გეგმაში, რომელიც 6 ეტაპს მოიცავს, ჩამოთვლილია კონკრეტული შეზღუდვების მოხსნის თანმიმდევრობა. ამ გეგმაში საგანმანათლებლო დაწესებულებები ნახსენებია სულ ბოლო, მეექვსე ეტაპზე. პრემიერს განათლებასთან დაკავშირებით კონკრეტულ გადაწყვეტილებებზე ამ ეტაპზე არ უსაუბრია.
გიორგი გახარიამ განაცხადა, რომ ეპიდემიოლოგიური სიტუაციიდან გამომდინარე, შეზღუდვების შემსუბუქების ორკვირიანი ვადა, საჭიროების შემთხვევაში, შესაძლოა შეიცვალოს.
მოამზადა თამთა ვირსალაძემ
- გვერდი 09:00 საათიდან ჩაირთვება – როგორ დავარეგისტრიროთ პირველკლასელი ონლაინ 20 მაისიდან by ARIS.GE-განათლება
- „გამოცდიდან გაფრთხილების გარეშე მოიხსნებით“ – წესები, რომლებიც აბიტურიენტმა ტესტირების მიმდინარეობისას უნდა დაიცვას by სიახლეები მისაღებ გამოცდებზე
- 2 ყველაზე მნიშვნელოვანი შენიშვნა და რჩევა გეოგრაფიის გამოცდისთვის 2024 წლის აბიტურიენტებს by სიახლეები მისაღებ გამოცდებზე