საქართველოში დისტანციურ სწავლებაზე გადასვლის მსურველ მოსწავლეთა რიცხვმა იკლო – როგორია განახლებული სტატისტიკა
![](https://edu.aris.ge/news/wp-content/uploads/2021/04/bavshvi-pirbadit-458x257.jpeg)
საქართველოს მასშტაბით, დისტანციურ სწავლებაზე გადასვლის მსურველი მოსწავლეებიის რაოდენობა შედარებით შემცირდა. ამასთან, იზრდება იმ მოსწავლეთა რიცხვიც, ვინც დისტანციურ სწავლებას აუქმებს და სკოლას უბრუნდება.
აღნიშნული მაჩვენებლების შესახებ ინფორმაცია EDU.ARIS.GE-მ განათლების მართვის საინფორმაციო სისტემისგან 12 ნოემბერს მიიღო.
მართვის სისტემის ინფორმაციით, ხუთშაბათ დღეს, შესაბამის პორტალზე დისტანციური სწავლების მოთხოვნით, 7 569 მოსწავლე დარეგისტრირდა, სწავლების ისევ დასწრებულ რეჟიმზე გადასვლა კი 5 321-მა მოითხოვა.
თუკი ტენდენციას დავაკვირდებით, სასწავლო პროცესის საკლასო ოთახებში განახლების შემდეგ, დისტანციურ სწავლებაზე გადასვლის მსურველთა რიცხვი 9 000-ზე ნაკლები არასდროს ყოფილა. მისცემს თუ არა ეპიდემიოლოგიური ვითარება მოსწავლეებს დღეს არსებული პოზიტიური დინამიკის კიდევ უფრო გაუმჯობესების შესაძლებლობას, ამას მომდევნო კვირა გვაჩვენებს. ბოლო 24 საათის განმავლობაში საქართველოში კორონავირუსის 4 445 ახალი შემთხვევა გამოვლინდა. 3 508 ადამიანი გამოჯანმრთელდა და გარდაიცვალა 77 პაციენტი.
სასწავლო პროცესი სასკოლო სივრცეში საქართველოს ყველა საჯარო და კერძო სკოლაში 4 ოქტომბრიდან განახლდა.
ასევე იხილეთ:
-
„სანამ წერას და არგუმენტებზე ფიქრს დაიწყებთ, ეს გააკეთეთ“ – 7 რეკომენდაცია აბიტურიენტებს ლიტერატურის გამოცდის წინ by სიახლეები მისაღებ გამოცდებზე
-
აბიტურიენტი: „გამოცდაზე დარიგებული რუკების წამოღება და ჩემი სკოლისთვის ჩუქება მომინდა“ by სიახლეები მისაღებ გამოცდებზე
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება