სასწავლო პროცესის აღდგენა ამ ეტაპზე მაისამდე გადაიდო – საგანგებო მდგომარეობის ახალი თარიღი

საქართველოს მთავრობის გადაწყვეტილებით, ქვეყანაში საგანგებო დგომარეობა გახანგრძლივდა და 10 მაისამდე უნდა გაგრძელდეს.

ამის შესახებ პრემიერ-მინისტრმა გიორგი გახარიამ სპეციალურად გამართულ ბრიფინგზე განაცხადა. შესაბამისი წინადადებით მთავრობის ადმინისტრაციამ პრეზიდენტს უნდა მიმართოს.

იმ შემთხვევაში თუ პრეზიდენტი და პარლამენტი საგანგებო მდგომარეობის გაგრძელებას დათანხმდებიან, ეს ავტომატურად ნიშნავს, რომ ქვეყანაში სასწავლო პროცესის განახლებაც მინიმუმ 10 მაისამდე გადავადდება. დღემდეარსებული მთავრობის დადგენილების თანახმად, სასწავლო პროცესი 21 აპრილამდე იყო შეწყვეტილი.

„მთავრობამ მიიღო გადაწყვეტილება, ხვალიდან, 15 აპრილის 21 საათიდან 4 დიდ ქალაქში – თბილისში, რუსთავში, ბათუმსა და ქუთაისში ყველა სახის ტრანსპორტის მოძრაობა (შიგნით არა, შესვლა და გასვლა) აიკრძალოს 10 დღით. საგანგებო მდგომარეობა კი გახანგრძლივდება 10 მაისამდე“, – განაცხადა გიორგი გახარიამ.