სკოლის დირექტორობის მსურველთა გამოცდები გაურკვეველი ვადით გადაიდო
მას შემდეგ, რაც ქვეყანაში კორონავირუსის გავრცელების საფრთხის გამო სასწავლო პროცესი შეჩერდა, სამინისტრომ მიიღო გადაწყვეტილება დირექტორთა სასერტიფიკატო გამოცდების გადავადების შესახებ, ამის შესახებ ოფიციალურდ 5 მარტს, ანუ გამოცდის ჩატარების წინა დღეს განაცხადეს. ინფორმაციის გაახლება და ახალი ვადები 20 მარტს უნდა გაცხადებულიყო თუმცა ახალი ინფორმაცია დღეს გახდა ცნობილი.
როგორც შესაბამის ვებგვერდზე ვკითხულობთ, საჯარო სკოლის დირექტორობის მსურველთა ტესტირება ჩატარდება ქვეყანაში კორონავირუსთან დაკავშირებული მოვლენების დასრულებისთანავე.
“საჯარო სკოლის დირექტორობის მსურველთა ტესტირება ჩატარდება ქვეყანაში კორონავირუსთან დაკავშირებული მოვლენების დასრულებისთანავე.
ტესტირების ჩატარების თარიღი, დრო და ადგილი განთავსდება საქართველოს განათლების, მეცნიერების, კულტურისა და სპორტის სამინისტროს ოფიციალურ ვებ გვერდზე directors.mes.gov.ge”, – ვკითხულობთ განცხადებაში.
EDU.ARIS.GE-ს მიერ განათლების სამინისტროდან გამოთხოვილი ინფორმაციის თანახმად, საჯარო სკოლის დირექტორობის მსურველთა სერტიფიცირებაზე რეგისტრაცია 2 244 აპლიკანტმა გაიარა. ამასთან, გამოცდა უნდა ჩააბარონ იმ პირებმაც ვინც ამჟამად სკოლის დირექტორის მოვალეობის შემსრულებელია. მათი რიცხვი კი 1022 -ია.
მოამზადა ანუკი წიწილაშვილმა
- „დროულად ამოქმედდეს უფასო, ჯანსაღი სასკოლო კვების პროგრამა!“ – სახალხო დამცველი განათლების მინისტრს by ARIS.GE-განათლება
- ცნობილია რომელ არჩევით საგანზე რამდენი აბიტურიენტი დარეგისტრირდა – გამოცდები 2024 by სიახლეები მისაღებ გამოცდებზე
- რაში მეხმარება მე-12 კლასი – „აბი გლუკოზა აბიტურიენტებისთვის“ გამოკითხვის შედეგები by ARIS.GE-განათლება