სტუდენტებისთვის 2020-2021 სასწავლო წლის შემოდგომის სემესტრის მობილობა დღეს იწყება
2020-2021 სასწავლო წლის შემოდგომის სემესტრის მობილობა დღეს, 31 ივლისის 12:00 საათიდან დაიწყება და 19 აგვისტოს 18:00 საათამდე გასტანს.
სტუდენტებმა მობილობისთვის უნდა გაიარონ რეგისტრაცია ელექტრონულ პორტალზე – www.students.emis.ge. აღნიშნულ პორტალზე ვაკანტური ადგილები რეგისტრაციის დაწყების დროიდან გამოჩნდება.
სტუდენტები 2020-2021 სასწავლო წლის შემოდგომის სემესტრის მობილობის შედეგების ნახვას 25 აგვისტოს შეძლებენ. მობილობის პროცესში მონაწილე სტუდენტს შეუძლია საკუთარი შედეგი იხილოს პორტალზე (www.students.emis.ge) – პირად სარეგისტრაციო ფანჯარაში.
იხილეთ საინფორმაციაო ბუკლეტი
მობილობის შედეგების გამოქვეყნების შემდეგ სტუდენტებმა უნდა მიმართონ მიმღებ უმაღლეს საგანმანათლებლო დაწესებულებას, რათა დროულად წარადგინონ მიმღებ უნივერსიტეტში სწავლის გაგრძელებისთვის საჭირო დოკუმენტები.
მობილობის წესით ჩასარიცხ პირთა შესახებ დაწესებულებების სამართლებრივი აქტების პროექტების საგანმანათლებლო დაწესებულებების რეესტრში ელექტრონულად ასახვა 2020 წლის 26 აგვისტოდან 2020 წლის 15 სექტემბრის ჩათვლით პერიოდში უნდა მოხდეს.
შეგახსენებთ, რომ მობილობა ერთი უმაღლესი საგანმანათლებლო დაწესებულებიდან სხვა დაწესებულებაში სტუდენტის გადასვლის პროცესია. სტუდენტთა მობილობის პროცესის ადმინისტრირებას ახორციელებს საჯარო სამართლის იურიდიული პირი – განათლების მართვის საინფორმაციო სისტემა. მობილობა ხორციელდება წელიწადში ორჯერ – შემოდგომისა და გაზაფხულის სემესტრებში, ცენტრის მიერ დადგენილ ვადებში.
იხილეთ ხშირად დასმული კითხვები და პასუხები მობილობასთან დაკავშირებით
- რა უფლებები მიენიჭათ საგანმანათლებლო რესურსცენტრებს სკოლებთან მიმართებით აჭარაში – განათლების მინისტრის ბრძანება by ARIS.GE-განათლება
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება