„ხაზს ვუსვამ, სწავლის შეწყვეტის აუცილებლობა არ არის!“

საქართველოში კორონავირუსის პირველი შემთხვევის დადასტურებასთან დაკავშირებით, დაავადებათა კონტროლის ეროვნული ცენტრის დირექტორი ამირან გამყრელიძე, კიდევ ერთხელ აცხადებს, რომ ამ ეტაპზე ქვეყანაში სწავლის შეწყვეტის საფუძველი არ არის.

ჟურნალისტის კითხვის საპასუხოდ, მან განაცხადა, რომ აუცილებელია მხოლოდ იმ რეკომენდაციების დაცვა, რომელსაც დაავადებათა კონტროლის ეროვნული ცენტრი იძლევა და არ დგას სწავლის შეჩერების აუცილებლობა.

„ამ ეტაპზე  არავითარი აუცილებლობა, რომ შევაჩეროთ ქვეყანაში სწავლა, ან დაიკეტოს საბავშვო ბაღები ან სხვა საგანმანათლებლო დაწესებულებები, არ არის. ხაზს ვუსვამ – ამის საჭიროება ამ ეტაპზე არ არის! არის მხოლოდ ის აუცილებლობა, რომ საბავშვო ბაღების ხელმძღვანელებმა, სკოლების ხელმძღვანელებმა, უნივერსიტეტის ხელმძღვანელებმა დაიცვან საზოგადოებრივი ჰიგიენის ის რეკომენდაციები, რასაც ჩვენ ვიძლევით“, – განაცხადა ამირან გამყრელიძემ.

როგორია სამინისტროს რეკომენდაციები სკოლებისთვის კორონა ვირუსის რისკის ეფექტიანი მართვის მიზნით – ინსტრუქცია

მოამზადა ანუკი წიწილაშვილმა