ტრენინგის შესახებ:
პროექტის მენეჯმენტის ტრენინგი მოიცავს როგორც პრაქტიკულ სავარჯიშოებს, ასევე თეორიულ მასალას.

განხილულ იქნება პროექტის არსი, მისი ფაზები და მათ შორის კავშირები; ორგანიზაციული სტრუქტურები და მათი გავლენა პროექტზე. მონაწილეები შეისწავლიან პროექტის გეგმის, განრიგის, ბიუჯეტის, რისკებისა და კომუნიკაციის დაგეგმვასა და მართვას.

ტრენინგი ასევე ითვალისწინებს მენეჯერული კომპეტენციების განვითარებას და ამ მიმართულებით პრაქტიკული სავარჯიშოების (როლური თამაშები) შესრულებას. 
ტრენინგის პირველივე დღეს შეირჩევა კონკრეტული პროექტის მაგალითი და მოხდება ამ მაგალითის გაშლა დანარჩენ დღეებში.

ტრენერი: ნიკა მალაზონია
ტრენინგს უძღვება ჰოლანდიური საკონსულტაციო ფირმა MDF-ის მიერ სერთიფიცირებული ტრენერი, რომელსაც გააჩნია როგორც საფუძვლიანი თეორიული ცოდნა, ასევე, მრავალწლიანი პრაქტიკული გამოცდილება პროექტების მართვის მიმართულებით.

ტრენინგის ხანგრძლივობა: 18 სთ.
ტრენინგს დაწყების თარიღი: 3 ივნისი
განაცხადის შეტანის ბოლო ვადაა 31 მაისი
ტრენინგი ტარდება კვირაში სამჯერ: ორშაბათი/ოთხშაბათი/პარასკევი: 19:00

კურსების გავლის შემთხვევაში თქვენ მიიღებთ შავი ზღვის საერთაშორისო უნივერსიტეტის ორენოვან სერთიფიკატს, ხოლო საუკეთესო შედეგის მქონე მსმენელები დამატებით მიიღებენ სარეკომენდაციო წერილს.