2022 წლის ერთიანი ეროვნული გამოცდები 4 ივლისს დაიწყება – განრიგი

2022 წლის ერთიანი ეროვნული გამოცდები 4 ივლისს, ქართული ენისა და ლიტერატურის გამოცდით დაიწყება.

ამის შესახებ განათლებისა და მეცნიერების სამინისტროში გამართულ ბრიფინგზე მინისტრის მოადგილე ნუნუ მიცკევიჩმა განაცხადა.

2022 წლის ერთიანი ეროვნული გამოცდების განრიგი აბიტურიენტებისთვის

2022 წლის სტუდენტთა საგრანტო კონკურსის ჩატარების თარიღი

2022 წლის საერთო სამაგისტრო გამოცდის განრიგი

მასწავლებლის საგნის, პროფესიული უნარების და უფროსი სპეციალური მასწავლებლის გამოცდების განრიგი 2022

დღესვე გაცხადდა, რომ საგამოცდო ცენტრებში აბიტურიენტებს პირბადის ტარების ვალდებულება აღარ ექნებათ.

წელს ერთიანი ეროვნული გამოცდებისთვის 41 000-ზე მეტი აბიტურიენტი დარეგისტრირდა. სტუდენტთა საგრანტო კონკურსზე დარეგისტრირებულია 2 500-ზე მეტი სტუდენტი. საერთო სამაგისტრო გამოცდისთვის 9 500-ზე მეტი აპლიკანტი, ხოლო მასწავლებლის საგნისა და პროფესიული უნარების გამოცდის ჩასაბარებლად სულ 35 500-ზე მეტი მსურველია დარეგისტრირებული (საგნის გამოცდა 19 500-მდე მსურველმა აირჩია, 2 500-ზე მეტმა – უფროსი სპეციალური მასწავლებლის გამოცდა, ხოლო 12 500-ზე მეტმა – წამყვანი და მენტორი მასწავლებლის გამოცდა).

დეტალური ინფორმაცია გამოცდის თარიღის, გამოცდაზე გამოცხადების დროისა და საგამოცდო ცენტრის მისამართის შესახებ მითითებული იქნება სპეციალურ ბარათზე, რომლის ამობეჭდვასაც გამოსაცდელები საკუთარი სარეგისტრაციო გვერდიდან ივნისის მეორე ნახევრიდან შეძლებენ.

ასევე იხილეთ:

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ