აბიტურიენტი 4 ივლისის ნაცვლად საგამოცდო ცენტრში დღეს გამოცხადდა

173-ე საჯარო სკოლაში განთავსებულ საგამოცდო ცენტრში აბიტურიენტი 4 ივლისის ნაცვლად დღეს გამოცხადდა. აბიტურიენტს ამის გამო საგამოცდო ცენტრის დატოვება მოუწია. „4 ივლისს უნდა მოვსულიყავი“, – გვიპასუხა აბიტურიენტმა, ჩვენს კითხვაზე, თუ რატომ დატოვა ასე ადრე საგამოცდო ცენტრი.

აბიტურიენტები დღეს ქართული ენისა და ლიტერატურის ბოლო გამოცდას აბარებენ.

შეგახსენებთ, რომ წელს ერთიან ეროვნულ გამოცდებზე 38 000-მდე აბიტურიენტი დარეგისტრირდა. არჩევითი საგნებიდან კი ყველზე მეტი აპლიკანტი გეოგრაფიას, ისტორიას და მათემატიკას აბარებს. 2018 წლის ერთიანი ეროვნული გამოცდები თბილისის მასშტაბით 9 საგამოცდო ცენტრში ტარდება. ხოლო ქვეყნის მასშტაბით სულ 22 ცენტრი ფუნქციონირებს. აბიტურიენტები, მასწავლებლები, მასწავლებლობის მსურველები, სტუდენტთა საგრანტო კონკურსის მონაწილეები და მაგისტრობის მსურველები გამოცდებს 26 ივლისს დაასრულებენ.

„თუ ეროვნული გამოცდები გაზაფხულზე ჩატარდება, მაშინ საატესტატოც გადმოიწევს და უკვე ეჭქვეშ დგება მეთორმეტე კლასის მეორე სემესტრიც“

მოამზადა ცისანა შერგილაშვილმა