GE

„ამაყი ვარ, რომ თქვენთან ერთად განვლო ამ 4 წელმა“ – კურსდამთავრებულის წერილი გორის სახელმწიფო უნივერსიტეტს

გორის სახელმწიფო სასწავლო უნივერსიტეტის სტუდენტი საკუთარ გვერდზე სამადლობელ წერილს აქვეყნებს. ლელი პაპუაშვილი, რომელმაც ბაკალავრის ხარისხი მიიღო, დიდ მადლობას უხდის უნივერსიტეტის თითოეულ თანამშრომელს გაწეული შრომისთვის. კურსდამთავრებულის წერილს უცვლელად გთავაზობთ:

“უკვე დავასრულეთ უნივერსიტეტი და არ შემეძლო სტატუსის გარეშე დამეტოვა ჩემი უნივერსიტეტი! უცებ გაირბინა 4 წელმა! ამ 4 წლის მანძილზე ბევრი საინტერესო რამ გადამხდა, ბევრი საუკეთესო ადამიანები გავიცანი და დავმეგობრდით და რაც მთავარია ბევრი საინტერესო პროფესიული საქმიანობის დეტალები შევისწავლე!

მადლობა გორის უნივერსიტეტს სტუდენტური ცხოვრების გალამაზებისთვის. მადლობა უნივერსიტეტის რექტორს და ადმინისტრაციას! მადლობა თითოეულ ლექტორსა და ადმინისტრაციის თანამშრომლებს, რომლებიც დაუღალავად შრომობდნენ ჩვენთვის! მადლობა ჩემს უმაგრეს და მეგობრულ კურსს! მიყვარხართ ბავშვებო! მიხარია, რომ თქვენს გვერდით გავატარე არაჩვეულებრივი სტუდენტობის 4 წელი!

მადლობა თითოეულ ადამიანს, ვინც მცირე წვლილი შეიტანა სტუდენტური ცხოვრების გალამაზებისათვის! არ გემშვიდობებით ჩვენ ისევ შევხვდებით ახლა უკვე სამართლის მაგისტრის ხარისხში! მიყვარხართ და მიყვარს თქვენთან ერთად გატარებული თითოეული წამი!

წარმატებებს გისურვებთ! ამაყი ვარ, რომ თქვენთან ერთად განვლო ამ 4 წელმა! მადლობა თითოეულ თქვენგანს! მადლობა სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანს ქალბატონ მარიკა შერაზადიშვილს, რომელსაც მიუხედავად დატვირთული სამუშაო რეჟიმისა ყოველთვის გამონახავს დროს თავისი სტუდენტებისთვის და ყოველთვის აღმოუჩენს საჭირო დახმარებას! მადლობა ქალბატონო მარიკა ყველაფრისათვის! მიყვარხართ! და ისევ შევხვდებით!”

დასვით კითხვა და მიიღეთ პასუხი - ედუს საცნობარო სამსახური
გორის სახელმწიფო სასწავლო უნივერსიტეტი