ეროვნული თავდაცვის აკადემიაში საუნივერსიტეტთაშორისო სტუდენტური კონფერენცია 2020 წლის მნიშვნელოვან საკითხებზე გაიმართა

ეროვნული თავდაცვის აკადემიაში საერთაშორისო კონფერენცია „საუნივერსიტეტთაშორისო სტუდენტური კონფერენცია 2020 წლის მნიშვნელოვან საკითხებზე“ ონლაინ ფორმატში გაიმართა.

ღონისძიება ეროვნული თავდაცვის აკადემიის რექტორის მოადგილემ, ვიცე-პოლკოვნიკმა დავით რაზმაძემ გახსნა. სამეცნიერო კონფერენციაში მონაწილეობას აკადემიის იუნკერებთან ერთად საქართველოს ეროვნული უნივერსიტეტის და იონას ზემაიტისის სახელობის ლიეტუვის სამხედრო აკადემიის სტუდენტები იღებდნენ.

კონფერენცია საინტერესო დისკუსიის ფორმატში წარიმართა. ღონისძიების მსვლელობისას მონაწილეებმა განიხილეს: კრიპტოვალუტა – 21-ე საუკუნის გამოწვევა, პანდემია და კიბერუსაფრთხოების პრობლემები, კორონომიკა – კაცობრიობის ახალი გამოწვევა და სხვა მნიშვნელოვანი თემები.