გორის სახელმწიფო სასწავლო უნივერსიტეტში ჟან მონეს მოდულის – EUEAA პრეზენტაცია გაიმართა
![](https://edu.aris.ge/news/wp-content/uploads/2024/02/gori-uni-cat.jpg)
2020 წლის 20 ნოემბერს, გორის სახელმწიფო სასწავლო უნივერსიტეტში გაიმართა ჟან მონეს მოდულის პრეზენტაცია “აღმოაჩინე ევროკავშირი ასოცირების შეთანხმებაში”.
პრეზენტაციას ესწრებოდნენ გორის უნივერსიტეტის ხელმძღვანელობა, ქ. გორის მერი, საქართველოს განათლების, მეცნიერების, კულტურისა და სპორტის სამინისტროს წარმომადგენლობა, “ერასმუს+”-ის ეროვნული ოფისის წარმომადგენლობა, უნივერსიტეტის აკადემიური პერსონალი და უნივერსიტეტის ადმინისტრაციული პერსონალი.
პრეზენტაციაზე აღინიშნა, რომ გორის უნივერსიტეტს აქვს გამოცდილება “ერასმუს+”-ის პროგრამებში მონაწილეობის, მაგრამ ჟან მონეს საქმიანობების სივრცეში, ეს პირველი მოდულია უნივერსიტეტისათვის, რაც არა მხოლოდ პრესტიჟულია, არამედ, უნივერსიტეტში ევროპული არენის გაძლიერების მნიშვნელოვანი წამოწყებაა.
პრეზენტაციაზე სიტყვით გამოვიდნენ:
გორის უნივერსიტეტის რექტორი, პროფესორი გიორგი სოსიაშვილი; ქ. გორის მერი, კონსტანტინე თავზარაშვილი; საქართველოს განათლების, მეცნიერების, კულტურისა და სპორტის სამინისტროს წარმომადგენელი, ნინო სვანაძე; “ერასმუს+”-ის ეროვნული კოორდინატორი, ლიკა ღლონტი; საერთაშორისო ურთიერთობათა დეპარტამენტის ხელმძღვანელი ზურაბ ზურაბაშვილი; სოციალურ მეცნიერებათა, ბიზნესისა და სამართლის ფაკულტეტის დეკანი მარიკა შერაზადაშვილი; სასწავლო პროცესის მართვის სამსახურის უფროსი ციური დურული; ხარისხის უზრუნველყოფის სამსახურის უფროსი ლევან მიდოდაშვილი.
ეკატერინე ქარდავამ, გორის უნივერსიტეტის პროფესორმა და მოდულის კოორდინატორმა, დამსწრე საზოგადოებას წარუდგინა მოდულის მიზნები, ამოცანები, დაგეგმილი საქმიანობები.
-
გორის სახელმწიფო უნივერსიტეტში სტუდენტთა სამეცნიერო კონფერენცია გაიმართა by გორის სახელმწიფო უნივერსიტეტი
-
გორის უნივერსიტეტსა და „ახალგაზრდობა და ვეტერანები ეროვნული თავდაცვისა და უსაფრთხოებისათვის“ შორის მემორანდუმი გაფორმდა by გორის სახელმწიფო უნივერსიტეტი
-
„და იშვა 26 მაისი“ – საჯარო ლექცია გორის სახელმწიფო უნივერსიტეტში by გორის სახელმწიფო უნივერსიტეტი