გორის სახელმწიფო უნივერსიტეტის პროფესორებმა დედაენის დღისადმი მიძღვნილი საჯარო ონლაინ ლექცია ჩაატარეს
![](https://edu.aris.ge/news/wp-content/uploads/2020/04/goriuni-online-leqcia-458x257.jpg)
2020 წლის 14 აპრილს გორის სახელმწიფო სასწავლო უნივერსიტეტის ჰუმანიტარულ მეცნიერებათა ფაკულტეტზე ჩატარდა დედაენის დღისადმი მიძღვნილი საჯარო ონლაინ ლექცია.
მსმენელებს მიესალმნენ და დედაენის დღე მიულოცეს გორის სახელმწიფო უნივერსიტეტის რექტორის მოადგილემ, პროფესორმა ალექსანდრე მღებრიშვილმა, ადმინისტრაციის ხელმძღვანელმა, ასოც. პროფესორმა გიორგი ხორბალაძემ და ჰუმანიტარულ მეცნიერებათა ფაკულტეტის დეკანმა, ასოც. პროფესორმა იოსებ ალიმბარაშვილმა.
საჯარო ლექცია წაიკითხეს: ქართული სალიტერატურო ენის სამაგისტრო საგანმანათლებლო პროგრამის ხელმძღვანელმა, პროფესორმა მარიამ კობერიძემ ,,ესე ენა შემკული და კურთხეული სახელითა უფლისათა“ და პროფესორმა თამარ გოგოლაძემ ,,ენის ეკოლოგიის საკითხები“.
ონლაინ ლექციას ესწრებოდნენ სტუდენტები, პროფესორ-მასწავლებლები და ადმინისტრაციის წარმომადგენლები.
-
გორის სახელმწიფო უნივერსიტეტში სტუდენტთა სამეცნიერო კონფერენცია გაიმართა by გორის სახელმწიფო უნივერსიტეტი
-
გორის უნივერსიტეტსა და „ახალგაზრდობა და ვეტერანები ეროვნული თავდაცვისა და უსაფრთხოებისათვის“ შორის მემორანდუმი გაფორმდა by გორის სახელმწიფო უნივერსიტეტი
-
„და იშვა 26 მაისი“ – საჯარო ლექცია გორის სახელმწიფო უნივერსიტეტში by გორის სახელმწიფო უნივერსიტეტი